web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet vendi ku do bëhet kryeministër Ilir Meta

17 Prill 2024, 13:06, Satire CNA
Zbulohet vendi ku do bëhet kryeministër Ilir Meta
Ilir Meta

Kreu i PL-së deklaroi sot se do të bëhet vetë kryeministër në rast se me doktorin do të ketë probleme me drejtësinë dhe në vend të doktorit ai do të marrë postin e kryeministrit. Ose po të jetë doktori, do të jetë zv/kryeministër dhe ministër i Brendshëm. 

Në fakt ne të CNA-së kërkuam vendet ku mund të bëhet Ilir Meta kryeministër, se me vota zor se e kap atë vend, ku është katandisur Partia e Lirisë dhe opozita e përçarë dhe me sjellen e Ilir Metës duket se Edi Rama do qëndrojë jo pak në pushtet. 

Por, gjithsesi Ilir Meta e ka vendin për kryeministër, se i ka ministrat brenda, i ka edhe deputetët e tij brenda. Për shembull mund të shkojë dhe të bëhet zv/kryeministër në Burgun 313.

Atje mund të qëndrojë pak kohë sa të marrë dënimin dhe të bëhet kryeministër për shembull në burgun e Fierit, ku ka Lefter Kokën që e ka pasur ministër, ku ka Alqi Bllakon që e ka pasur deputet. Mund t'i shkojë edhe Petrit Vasili që e ka pasur ministër, mund t'i shkojnë edhe këta të tjerët e LSI-së që janë arrestuar, ka edhe kryetar bashkie dhe është rehat. 

Qeveris nga burgu i Fierit tamam si kryeministri i një vendi. Një kryeministër të tillë ka nevojë Shqipëria që ta qeverisë vendin nga burgu. Atëherë do të themi që Ilir Meta është një burrë i vërtetë./CNA 

 





11:31 Satire

Të fala Bajromit

Megjithëse presidenti ynë ka emrin e një dite të veçan...

Lajmet e fundit nga