CNA "shpall" Bashën si njeriun më “serioz” të vitit 2023

31 Dhjetor 2023, 13:00, Satire CNA

CNA "shpall" Bashën si njeriun më “serioz”

CNA "shpall" Lul Bashën si njeriun më “serioz” të vitit 2023.

Humbësi serial, që për vite të tëra e çoi PD-në në një greminë nga e cila nuk po del dot, nuk ngopet me dështimet.

Qëndroi thuajse një vit i zhdukur nga politika duke përgatitur skenare në prapaskena dhe më pas u shfaq pas zgjedhjeve të 14 majit, duke e quajtur veten si një opsion, një mundësi që mund të ndryshojë Shqipërinë.

Ashtu siç e kishte paralajmëruar edhe CNA, para se të rikthehej të zhvillonte takime me një grup individësh, se si të rikthehej sërish për ta zhytur edhe më tej partinë.

Ekskluzive-Skema e Bashës/ Ja kur rikthehet në krye të PD-së
14 Mars, 14:09

Pasi hoqi "gurët e tij të vegjël" nga rruga, zhvilloi zgjedhjet për të zgjedhur veten në krye të partisë së vulës.

Në 29 korrik të 2023 mezi mori 20 vota nëpër qytete. Më qesharak se kaq nuk mund të ishte. Pra, u vetëzgjodh kryetar me nga 20 vota.

Fitore e jashtëzakonshme e Bashës në Gramsh me 21 vota
29 Korrik, 20:47

Por, nuk u mjaftua me kaq. I duhej dhe një Kuvend Kombëtar që të emëronte petritët e tij në strukturat e PD-së së vulës.

Gjatë këtij Kuvendi, surpriza ishin “kockaxhinjtë” që për një post, kaluan ylberin dhe ndryshuan kahun, duke kaluar nga Berisha te Basha.

Edhe pas këtij dështimi, Basha vijoi skenarin e tij të kopjuar dhe frymëzuar nga të tjerët.

Po ashtu si Berisha me foltoret, Basha zgjodhi të bëhej qesharak dhe të kopjonte skenarin duke dalë dhe ai në çdo lagje dhe qytet me një grusht njerëzish që të tregonte se Shqipëria ka nevojë për ndryshim, të largohet nga e kaluara.

Si të mos mjaftonte, me statuset e tij dëshironte të dukej dhe pak si Rama.

Më vonë u shfaq në Kuvend ditën që Lindita Nikolla do të njoftonte se Luli Basha është kreu i PD-së dhe kreu i grupit parlamentar, duke krijuar një tjetër situatë kaotike në Kuvend, ku Gazment Bardhi do t’i përplaste në fytyrë vilat luksoze Lul Bashës, një e vërtetë, e cila e bëri të dilte nga vetja kreun e PD-së së vulës, i cili u shpreh se do ta kallëzonte në Prokurori por sërish edhe njëherë tjetër Luli gënjeu.

Kryetari i vulës kërkon vetting për politikanët/ A do t’i deklarojë Basha vilat luksoze?
6 Nëntor, 17:34

Nuk pati asnjë kallëzim për ato që quante shpifje nga ana e tij për Gazment Bardhin.

Pasi përfundoi “show”-n e radhës në parlament, gjykata do t’i jepte një shuplakë Lul Bashës, duke mos e njohur Kuvendin e 2 shtatorit në të cilin Basha u vetëshpall kryetar.

Ky është qesharaku i vitit 2023, që nuk resht së kopjuari dhe luftuari për karrigen e tij dhe zgjatjen e pushtetit të Edi Ramës./ CNA