Letra perlë/ Ish-deputeti “zotëron” formulën “magjike”, si mund të fitohet ndaj Çekisë

20 Shtator 2023, 14:22, Satire Politike CNA

Letra perlë/ Ish-deputeti “zotëron” formulën

Selami Jenisheri

Ish-deputeti Selami Jenishehri, në letrën e tij perlë, e cila duhet të “vlerësohet” dhe merret shumë “seriozisht” nga Presidenti Armand Duka, i kërkon këtij të fundit që të marrë formulën e tij “magjike” dhe ekipi i futbollit ta aplikojë në ndeshjen me Çekinë.

Jenishehri thotë se nga stërvitja e tij futbollistët do të marrin nivele shumë të larta për teknikën dhe që krahasohet me atë që FIFA e quan më të mirën në botë dhe që është votuar nga drejtorët e FIFA-s.

Kjo letër është për ankand, pasi ekipet më të mëdha të futbollit do të jepnin gjithçka për të ditur formulën magjike të fitores nga Selami Jenishehri.

Por mos u dëshpëroni pasi formulat magjike, Jenishehri do t’i hedhë dhe në një libër që sipas tij do të jetë progres në rang të literaturës botërore të futbollit.

Letra e Selami Jenishehrit

Unë që ju shkruaj, jam Selami JENISHEHRI, trajner, anëtar nderi i klubit "Vllaznia " Shkodër, ish këshilltar i trajnereve të ekipit kombëtar, por edhe të trajnerit të ekipit tonë kombëtar për femra, dhe deputet i Kuvendit të Shqipërisë së Legjislacionin e IX të tij. Në këtë pozicion kam bë një studim që i bën futbollistët e zakonshëm në nivelin ku të thirren në ekip kombëtar.

Kjo lloj stërvitje është eksperimentu me porosi të F.SH.F. me sukses, ku nga kjo stërvitje futbollisti merr nivele shumë të larta teknikisht e kështu ato shiteshin, duke u bërë milionera. Trajnera të federatave evropiane kur janë vënë në dijeni për këtë stërvitje dhe me to kemi krahasu këtë me atë që thuhet nga FIFA që është më e mira në botë nga votimi i drejtorave teknike të tan federatave të FIFA-s. Këto trainere kanë thënë se stërvitja ime është më e mirë se ajo që di FIFA sot për sot.

Meqe ndeshja Shqipëri - Ceki është me tepër me rëndësi unë ju lutem Juve që për ditët e grumbullimit për këtë ndeshje unë tu a vë në dispozion futbollistëve të kombëtares sonë, mbasi drejtoria teknike F.SH.F. dhe trajnerët e kombëtares të shohin vetë se është më e mira në botë kjo e imja dhe kjo të bëjë të sigurtë fitoren në ndeshjen shqipëri - Ceki, sepse kjo stërvitje i bën futbollistët të dinë të driblojnë 2-3 lojtarë rresht kur kanë kundërshtar para dhe kur kundërshtari e din rregullin tim dhe ai (se nuk ka çfarë i bën) do të jenë tepër lart në saktësinë e gjuajtjes me kokë, do të jenë super bombarduese e super të saktë në pasime e gjujtje, do të jenë mbrojtës të pakalueshëm kur të mësojnë rregullat e stërvitjes sime, ku gjithshka është e re për literaturën botërore të futbollit. Uroj të besosh për sa me lart e të pranonit JU personalisht të më takonit gjë që bën 100% të sigurtë fitoren ndaj Cekisë dhe kualifikimin e Shqipërisë. Do dal qartë që gjithshka që di unë është shumë lart nga ato që dinë trajnerat e stafit të ekipit tonë kombëtar dhe loja e Shqipërisë do të jetë e tillë sa nuk është parë ndonjëherë e ndaj kam filluar ta shkruaj libër që do të jetë progres në rang të literaturës botërore të futbollit.

Letra perlë/ Ish-deputeti “zotëron” formulën