LEXO PA REKLAMA!

SHKARKO APP

App Store
Google Play

E fundit!

x

Shqiptarët rrëzojnë kundërzbulimin dhe agjenturat kineze, ruse dhe amerikane

26 Shtator 2023, 14:07, Satire Politike CNA
Shqiptarët rrëzojnë kundërzbulimin dhe agjenturat kineze,
Fotomontazh - Charles McGonigal, Eugen Volfarth, Irfan Hysenbelliu, Dorian Duçka dhe Safet Gjici

Nuk është për të qeshur ky titull, ndoshta për të qeshur dhe deri në gajasje do të jenë fjalët e mëposhtme, por janë të vërteta, janë fakte që historia e Shqipërisë i ka parë dhe ka hedhur poshtë çdo teori dhe ato miliarda e miliarda euro që po përdorin shtete të mëdha si amerikanët, rusët apo kinezët për kundërzbulimet, për agjenturat e tyre për spiunazhin, e të tjera si këto.

Janë dy raste mjaft të bukura, të cilat i ka sjellë dje në emisionin “Të paekspozuarit”, gazetari Ylli Rakipi.

Shqiptarët rrëzojnë kundërzbulimin dhe agjenturat kineze,
Ylli Rakipi, gazetar

Me ironinë e tij të pandalshme Rakipi kujtoi një detaj se si ish-ambasadori i OSBE-së, Eugen Volfarth, ia çon Irfan Hysenbelliut dhe ai hante kërnacka dhe pinte birrë në Festën e Birrës në Korçë dhe lëvdonte birra Korçën kur në fakt, nja dy të tjerë kishin përfunduar në spital nga dhimbja e kokës apo nga helmimi që kishin pasur nga sasia e madhe e birrës.

Shqiptarët rrëzojnë kundërzbulimin dhe agjenturat kineze,
ish-ambasadori i OSBE-së, Eugen Volfarth me Irfan Hysenbelliun duke pirë birrë

Birra Korça, një birrë që e shoqëruar me ca kërnacka e bënte ambasadorin e OSBE-së të bilbilonte për qeverinë, sukseset e Ramës dhe të ardhmen e ndritur të mëmëdheut dhe në fakt me pas Rama me fadromë zbatoi ligjin te kërnackat dhe jo te birrat e Irfanit që në fakt shpërndaheshin edhe kontrabandë siç e zbuluan edhe Tatimet dhe Doganat.

Kjo është një nga rastet me një diplomat evropian, por më skandalozja është ajo që ka ndodhur me McGonigal.

Përpiqen vendet e mëdha të zbulojnë spiunët e vendeve të tjera, të zbulojnë dhe kundërzbulojnë, paguajnë para por në fakt çfarë ndodh, një banor nga Tropoja, një qytetar i Tropojës, Agron Neza, gjen McGonigalin, i jep një shukë dollarësh, e sjell në Shqipëri dhe e përfundon të shkretin te Safet Gjici.

Shqiptarët rrëzojnë kundërzbulimin dhe agjenturat kineze,
Agron Neza dhe McGonigal

Pra zv.shefi i kundërzbulimit të FBI-së katandiset te Safet Gjici, mund të katandisej dhe tek Irfani, nuk është ndonjë problem i madh, se ka ndodhur dhe me ambasadorë, por në rastin e McGonigal e çuan deri atje ku nuk mbante më ujë pilafi.

Nga ana tjetër, shpalli si këshilltar dhe burrë të mençur një analfabet të gjallë njerëzor siç është Dorian Duçka, që e quajnë kokë të madhe me lidhje me Kinën, me Amerikën, me lidhje me DASH-in, bashkëpunëtor i tyre, spiun i amerikanëve, një figurë e lartë diplomatike e të tjera si këto dhe në fund nga lidhja me Agron Nezën dhe Dorian Duçkën i shkreti McGonigal na përfundoi te Safet Gjici.

Shqiptarët rrëzojnë kundërzbulimin dhe agjenturat kineze,
Dorian Duçka

Inshalla nuk ka dhe ndonjë video me Alma K. se çfarë nuk bën vaki në mëmëdheun tonë.

Tani një ambasador i OSBE-së si Volfarth, te kërnackat e birrat dhe flet çudira. Një zëvendësdrejtor i FBI-së përfundon te Safet Gjici.

Shqiptarët rrëzojnë kundërzbulimin dhe agjenturat kineze,
ish-ambasadori i OSBE-së, Eugen Volfarth me Irfan Hysenbelliun duke pirë birrë

Shqiptarët i hodhën poshtë të gjitha studimet, teoritë, format, që janë përdorur në zbulim e kundërzbulim dhe pagimin e miliona dollarëve dhe të katandiset historia e McGonigalit te Safet Gjici.

Se Deripaska, oligarku rus, një miliarder, një kokë e madhe, kërkoi të korruptonte një zyrtar amerikan, nuk dihet sa ka paguar dhe çfarë interesash janë luajtur, por të paktën luante Deripaska me McGonigal, kurse këtu na katandisi te Safet Gjici dhe tek Irfani, te kërnackat dhe te birrat.

Shqiptarët rrëzojnë kundërzbulimin dhe agjenturat kineze,
Safet Gjici, ish kryebashkiaku i Kukësit

Prandaj kot lodhen agjencitë e huaja, paguajnë para e shpenzojnë. Mjafton me pak lekë të mbajnë afër këta analfabetët dhe allashqiptarët, të cilët me metodat e tyre demokratike, me kërnacka, me ndonjë shukë lekësh surratit të bëjnë çudira.

Shqiptarët rrëzojnë kundërzbulimin dhe agjenturat kineze,

Të ulin me Safetin, të ulin me Irfanin dhe pastaj nëpërmjet tyre mund të shkosh te kryeministri se të çon Dorian Duçka.

Shqiptarët rrëzojnë kundërzbulimin dhe agjenturat kineze,
Irfan Hysenbelliu

Mund të shkosh te Presidenti megjithëse ky i fundit nuk është se ka ndonjë vlerë të madhe tani, po qeveria, ministrat, kryetarë bashkie, të gjithë mund t’i takosh se McGonigal takoi kë mundi. Safeti ishte ndoshta nivel i lartë se mund të kishte shkuar dhe më poshtë.

Pavarësisht se mund të qeshë dikush dhe të ironizojë historinë e Safet Gjicit me McGonigal.

Pa shkuar më tej te përfitimet dhe këto korrupsionet, që janë çështje serioze që duhet të hetohen nga SPAK-u dhe ndonjë strukturë serioze po i ka ngelur ende shtetit shqiptar.

Shqiptarët rrëzojnë kundërzbulimin dhe agjenturat kineze,
Charles McGonigal

Ndodh që Duçka me Agron Nezën, me Irfanin & Co të hedhin në erë agjencitë e kundërzbulimit, teoritë e konspiracionit, teoritë e korrupsionit, të gjitha bashkë. Mjafton t’i mbledhësh këta dhe të zgjidhin çdo problem, që nga FBI, CIA , OSBE, BE e deri në Kinë e Rusi./ CNA

 

Lajmet e fundit nga