web counter
LEXO PA REKLAMA!

SHKARKO APP

App Store
Google Play

E fundit!

x

Kryetari i vulës kërkon vetting për politikanët/ A do t’i deklarojë Basha vilat luksoze?

6 Nëntor 2023, 17:32, Aktualitet CNA

Kryetari i vulës kërkon vetting për politikanët/ A do

Pasditen e sotme , kreu i partisë së vulës, Lulzim Basha ka deklaruar se ka dorëzuar në Kuvend, projektligjin për vettingun e politikanëve, ku sipas tij duhet që çdo politikan të deklarojë pasurinë e tij.

Por nëse ky projektligj votohet në parlament, a do t’i deklarojë Lulzim Basha vilat e tij luksoze dhe bizneset për të cilat ende nuk ka dhënë një përgjigje?  

Shpesh janë denoncuar vilat e tij luksoze në mes të kryeqyteti, në Long Hill apo në Gjirin e Lalëzit dhe së fundi katet që ka marrë në një pallat në Lion Park.

Duke qenë se nuk ka dhënë asnjë përgjigje për asnjërën nga vilat e tij luksoze lind pyetja a do të ketë guximin që t’i deklarojë nëse projektligji i tij do të votohet në parlament?


 

 “Sot kam depozituar në Kuvendin e Shqipërisë projektligjin për vettingun e politikanëve. Ashtu siç e pata njoftuar para disa javësh grupi i punës së PD, juristët më të mirë që kemi kanë bërë gati një projektligj që mundëson kontrollin e detajur të pasurisë së çdo politikani të rrethit të tij familjar dhe shoqëror si dhe lidhjet e papërshtatshme apo thënë ndryshe mundësinë e bashkëpunimit të një politikani me krimin e organizuar. Dy janë parimet që zbatohen në këtë projektligj. I pari parimi ndiq paranë, pra paraja e korrupsionit, paraja e një politikani të korruptuar, e fshehur në çfarë do lloj forme dhe mënyre të mundshme gjurmohet përmes instrumenteve që i jepen autoritetit për luftën kundër korrupsionit.

Thënë ndryshe një ILDKP e refromuar dhe e fuqizuar dhe së dyti sa i takon lidhjeve kriminale jepen kompetencat të njëtit autoritet që në bashkëpunim me SPAK me BKH me Shërbimet Inteligjente të vërtetojnë nëse një politikan gënjen apo thotë të vërtetën kur deklaron çdo vit me detyrim se nuk ka kontakte të papërshtatshme e thënë ndryshe kontakte me botën e krimit të organizuar. Ky është një model i cili është në përputhje me kushtetutën e Shqipërisë, me Kartën Europiane të të drejtave të njeriut, por në të njëjtën kohë mundëson që politikanët shqiptarë t’i nënshtrohen të njëjtit kontroll të cilit i nështrohen sot magjistratët, prokurorët po kështu edhe punonjësit e policisë dhe të Gardës së Republikës.

Projektligji është depozituar, nuk ka më asnjë alibi. Tani është momenti që përmes votës së tyre çdo deputet i Kuvendit të shprehet dhe të mos fshihet përmes votës për ligjin për vettingun, t’i tregojmë shqiptarëve se kush janë politikanët e korruptuar që duhet të largohen dhe të lënë mandatin e tyre dhe kush janë politikanët e lidhur me krimin që nuk mundet më të qëndrojnë dhe pretendojnë se mbrojnë interesat e publikut ku në fakt mbrojnë dhe promovojnë interesat e atyre që i kanë sjellë dhe të pastrojmë politikën duke i dhënë Shqipërisë një politikë të pastër nga korruspioni dhe nga lidhjet me krimin e organizuar”, është shprehur Basha në deklaratën e tij për mediat./ CNA





Lajmet e fundit nga