E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Kërkuan masë më të lehtë sigurie/ GJKKO jep vendimin për ish-zv.ministrin Klodian Rrjepaj dhe biznesmenin Ilir Rrapaj

6 Nëntor 2023, 16:49, Aktualitet CNA

Kërkuan masë më të lehtë sigurie/ GJKKO jep vendimin

Gjykata e Posaçme ka lënë në fuqi masën për ish-zv.ministrin e Shëndetësisë, Klodian Rrjepaj dhe biznesmenin që përfitoi koncesionin e sterilizimit Ilir Rrapaj, të akuzuar në lidhje me koncesionin e sterilizimit.

Ata kërkuan masë më të lehtësi sigurie në Gjykatë, por Gjykata la në fuqi masën ‘arrest me burg’ ndaj tyre.

Por çfarë është kontrata e sterilizimit me vlerë 100 milionë euro?

Bëhet fjalë pikërisht për një projekt PPP me mbështetje buxhetore në shëndetësi.

Kontrata për koncensionin e sterilizimit u firmos në vitin 2015 mes ish-ministrit të Shëndetësisë, Ilir Beqaj dhe kompanisë koncesionare SaniService aksionerët e së cilës janë Investital LLC dhe kompanitë italiane “Servizi Italia”, “Tecnosanimed” dhe “U.Jet S.r.l”.

Kompania, Investital LLC në këtë kontratë zotëronte pjesën më të madhe të aksioneve. Kjo kompani është themeluar me kapital 1 mijë euro në Kosovë nga Ilir Rrapaj.

Më herët BIRN ka publikuar një artikull në të cilin flitej për themeluesin e kësaj kompanie dhe thuhej se Rrapaj u kthye në Shqipëri pas zgjedhjeve të vitit 2013. Sipas kësaj medie para se të fitonte koncesionin Rrapaj vendosi kontakte të shpeshta me ministrin e Shëndetësisë në atë kohë, Ilir Beqaj.

BIRN intervistoi mjekë dhe kirurgë të spitave të ndryshme të Tiranës, të cilat pohuan se formula e zgjedhur i rrit shpeshherë kostot edhe fiktivisht. Mjekët pranuan se kishin përdorur sete të shtrenjta për mikrokirurgjitë dhe ishin detyruar shpeshherë që të hapnin dy ose tri sete gjatë një operacioni, për të gjetur instrumentin kirurgjikal që u nevojitej. Ish-ministri i Shëndetësisë, Ilir Beqaj, e mbrojti kontratën në një përgjigje me shkrim për BIRN, pavarësisht kostove të rritura dhe akuzave të regjistruara nga Prokuroria, shkruan BIRN.

Qendra e sterilizimit ishte ndërtuar në vitin 2009 përmes një kredie që qeveria shqiptare kishte marrë në Bankën e Këshillit të Europës –CEB. Transferimi i saj nën administrimin e koncesionarit u bë pjesë e hetimit të kryer nga Prokuroria e Tiranës –i cili u pushua në shtator 2016 pa pasoja, shkruan BIRN.

Kompania koncesionare “SaniService” i ka shitur Ministrisë së Shëndetësisë sete kirurgjikale për çmime që variojnë nga 16 mijë lekë deri në 45 mijë lekë (me TVSH)./ CNA