web counter
LEXO PA REKLAMA!

SHKARKO APP

App Store
Google Play

Nga Agim Xhafka/ Çfarë ndodh kur ha ushqimin e qenit

27 Nëntor 2023, 10:09, Satire CNA

Nga Agim Xhafka/ Çfarë ndodh kur ha ushqimin e qenit

Gazetari Agim Xhafka e ka nisur javën duke rrëfyer një histori tejet gazmore me gruan dhe qenin e tij Çarlin.

Lexoni më poshtë historinë gazmore nga gazetari Xhafka  

Nga Agim Xhafka/ Çfarë ndodh kur ha ushqimin e qenit

Këto ditë e kemi dhe ne në shtëpi një qenush të vogël. Çarli e quajmë, unë i thërras, o bukurosh. Është i vajzës në fakt, por këto ditët e festave na e la ne në kujdestari.

Mua dhe gruas sime d.m.th. E qysh ditën e parë, pasi hapa një konservë mishi posaçërisht ushqim për kuçat e vegjël, më shkoi mendja ta provoj një majë luge për shije. Gruaja sa më pa shqeu sytë.

-Je në vete, mo! Si mund të hajë njeriu këtë ushqim? Në se do zesh krevatin harroje të të shërbej, - më kërcënoi.

Pa mbaruar këto fjalë Çarli bukuroshi e kishte kollofitur racionin e vet. Dhe tundte bishtin i kënaqur. Unë më i gëzuar sa ai nisa të... lehja lehtë. Si për t’i bërë shoqëri mikut tim të vogël. Gruaja erdhi nga kuzhina vrap.

-Ti lehe, mo?! - më pyeti.

-Hum, hum, - i ktheva përgjigje.

Ndërkohë ajo vrik mori gocën në cel.

-Çarli si shpirt. Fjeti mirë dhe hëngri mirë. Por Gimi po na leh që dje. Ngaqë hëngri një majë luge ushqim kuçash.

Ndërkohë që e dëgjoja nisa të trash zërin e hungëritjes.

-Po e mbyll cel o goce se më duket ai po provon prapë nga ajo konserva. E kuptoj nga lehja, iu trash zëri. Korba, ç’më gjeti!

Qesha dhe desha ta puthja sa m’u afrua, por ajo iku me vrap. Pandehu se do e kafshoja./ CNA





Lajmet e fundit nga