web counter
LEXO PA REKLAMA!

SHKARKO APP

App Store
Google Play

A ka qenë Lekari bashkëpunëtor i Sigurimit?

1 Mars 2024, 12:56, Satire CNA

A ka qenë Lekari bashkëpunëtor i Sigurimit?

Lekar Bundra u ndie i fyer kur lexoi në media që ai ka qenë bashkëpunëtor i Sigurimit. Sa hyri në shtëpi gruaja e bombardoi me pyetje:

-Lexove ç’shkruanin sot për ty?

-Po, i lexova.

-Dhe? Ke qenë a s’ke qenë bashkëpunëtor?

Lekari e pa me sy të egërsuar e ia plasi:

-Ti më njeh mirë, o grua. A mund të jem unë bashkëpunëtor? Ose a e di ç’d.m.th. bashkëpunëtor?

-Po, ja si tip fuksi, që bën letra anonime, mendoj.

-Po pse moj e ul unë veten kaq poshtë? E bëj veten të shkruaj se cili foli keq te radha e qumështit apo çfarë llomotisin njerëzit në stadium? -bubulliu ai.

-Kështu them dhe unë, por edhe këta të medias kanë ndonjë fakt që të quajnë bashkëpunëtor.

-Ata së pari duhet të më marrin në telefon e të më pyesin. Ja p.sh. bëhu ti si gazetare e m’u drejto!

-Ok, zoti Lekatar Bundra, a keni qenë ju bashkëpunëtor i Sigurimit?

-Jo, jo, jo. Se unë kam qenë vetë sigurimi. Nuk shkruaja letra anonime e as bëja spiunime të vogla me postë a me korrier. Unë shkoja drejt te Ministria e Brendshme e takoja atje drejtuesit. I kisha dyert e hapura. U thoja që shoku im, kolegu im, fqinji im, kushëriri im flisnin kundër partisë sonë të dashur.

E fjala ime zinte vend se drejtuesit e dikasterit qenë miqtë e mi. E mban mend që na vinin në shtëpi për dreka e darka?

-Po, i mbaj mend se akoma i ndiej krahët e lodhura nga gatimet për ta.

Gruaja e përqafoi Lekarin. E dinte që ai ishte egoist. Vërtet qe spiun, ama jo spiun rrugice, por spiun me "S" të madhe. Spiun Burimi d.m.th. Që çdo shpifje i zinte vend.

-Fat që nuk më ke spiunuar dhe mua, -i tha ajo, -se kushedi se nga do më kishin internuar. -foli ajo dhe iu var te gjoksi i Lekarit mbuluar nga barku i fryrë prej pijeve që rrëkëllente qyl në lokalet e qytetit./CNA 





11:31 Satire

Të fala Bajromit

Megjithëse presidenti ynë ka emrin e një dite të veçan...

Lajmet e fundit nga