LEXO PA REKLAMA!

SHKARKO APP

Aventurat e Lekar Bundrës në New York

27 Shkurt 2024, 09:40, Satire Politike CNA

Aventurat e Lekar Bundrës në New York

Lekar Bundra nuk di asnjë fjalë anglisht. Paçka se jetoi plot vite në Amerikë sërish nuk i hynte në kokë ajo gjuhë. E ke trurin shesh, asnjë rrudhë mençurie nuk shfaqet atje, shante veten.

I kujtohej kur punonte te parkimi në New York. Sistemonte makinat në postet e lira. I duheshin veç dy fjalë, majtas dhe djathtas. Kaq.

Por as këto nuk ia thithte mendja e tij. E i drejtonte shoferët me dorë. Si ai polici i trafikut para çlirimit në Tiranë që kemi parë në dokumentarët e Kinostudios. Që rrinte hipur mbi një arkë domatesh dhe u jepte drejtim aq pak makinave që kalonin.

Por ja që ky analfabetizëm në anglisht e pati një të mirë të madhe. Që sa herë bënte gafa e i ngatërronte shoferët i vinte menaxheri gjithë nerva.

I fliste, i bërtiste, i ngrinte zërin, por Lekari veç qeshte. E para se nuk kuptonte gjë prej gjëje, por edhe së dyti ngaqë s’dinte të jepte shpjegim. Kështu një ditë, dy ditë, dhjetë… derisa te dera e shtëpisë së Lekarit një darkë trokiti dora vetë, menaxheri. E hapi Lekatari dhe me dorë, jo me fjalë, e drejtoi brenda.

Ai nisi i nxehur një dialog me gruan e Lekarit. Ai flit e gruaja tundte kokën.
-Ç’po thotë ky moj? -pyeste Lekari.

Dhe s’e mbante vendi. Donte të mësonte thelbin e debatit. Por hiç. Kuptonte veç fjalën ok. Kaq. Sa iku menaxheri gruaja i tha:

-Lekar ditëzi, menaxheri tha që deri tani të ka pushuar dhjetë herë nga puna e ti sërish shkon në punë. E kupton që ai po çmendet.

Lekatari qeshi.

-E sheh o grua që dhe mosnjohja e anglishtes ka të mirat e saj. Nesër që në mëngjes unë do paraqitem prapë në punë. Ai nuk më largon dot se unë nuk kuptoj çfarë më thotë.

E kështu Lekatari në vend që të mësonte ca fjalë amerikançe e luajti nga mendja menaxherin dhe bashkë me të edhe shoferët që sillnin makinat te parkingu në New York./CNA 

11:31 Satire Politike

Të fala Bajromit

Megjithëse presidenti ynë ka emrin e një dite të veçan...

Lajmet e fundit nga