web counter
LEXO PA REKLAMA!

SHKARKO APP

App Store
Google Play

Zgjedhjet e 11 majit/ Shehi: Koalicioni 'Djathtas për Zhvillim', alternativa më serioze dhe e ndershme

5 Maj 2025, 15:26, Politikë CNA

Zgjedhjet e 11 majit/ Shehi: Koalicioni 'Djathtas për Zhvillim',

Kryetar i Lëvizjes për Zhvillim Kombëtar, Dashamir Shehi, parti e cila garon në zgjedhjet e 11 majit me koalicionin 'Djathtas për Zhvillim', ka ndarë një mesazh për votuesit. Nëpërmjet një video-postimi në rrjetet sociale, Shehi shprehet se koalicioni ofron alternativë për qytetarët që janë të lodhur nga gënjeshtra, populizmi e korrupsioni.

Sipas Shehit, koalicionin 'Djathtas për Zhvillim', alternativa më serioze dhe e ndershme në zgjedhjet e 11 majit.

“Nëse je i lodhur nga gënjeshtra, populizmi e korrupsioni, voto numrin 9, koalicionin 'Djathtas për Zhvillim', alternativa më serioze dhe e ndershme në zgjedhjet e 11 majit”,-shprehet Shehi.

Më herët, Shehi ndau edhe 9 pika, sipas të cilit ia vlen të votohet kjo parti.

“1.Ekonomi e Fortë. Pension minimal 300 euro, minimum jetik 200 euro dhe rritje me 25 % e pagave në të gjithë sektorët.

2. Vizioni euroatlantik perëndimor. Marrëdhënie të mira me SHBA dhe BE, si dhe përshpejtimi i procesit të integrimit.

3. Qeveri e vogël me 10 ministri. Thyejmë monopolet tregtare. Taksa e sheshtë 9% dhe më shumë lehtësira fiskale për biznesin e vogël e të mesëm. Kjo përkthehet në më shumë vende pune.

4. Dita e punës 6 orëshe për gratë, që do të paguhet si për 8 orë. Bonuse për çiftet e reja dhe lindjet, si dhe shkolla me drekë për fëmijët.

5. Kthimi dhe kompensimi i plotë i pronës për të gjithë pronarët legjitimë.

6. Dëmshpërblimi i plotë i ish-të përndjekurve politikë.

7. Mbështetje pa kushte për drejtësinë dhe SPAK në luftën kundër krimit dhe korrupsionit.

8. Ndryshime rrënjësore kushtetuese, që do të zhbëjnë kodin elektoral Rama-Berisha të 2008-ës, i cili ka eleminuar garën dhe ka vendosur monopolin e 2 partive të mëdha.

9. Krijimi i Xhandarmërisë Kombëtare, si një organ efikas për ruajtjen e rendit dhe sigurisë”,-përmend Shehi./CNA





Lajmet e fundit nga