web counter
LEXO PA REKLAMA!

SHKARKO APP

App Store
Google Play

E fundit!

x

“Udhëtoja me tim atë me makinë”/ Rama, për kandidatin Nallbati: Nuk e di si Devolli mund të votojë një rrugaç

5 Maj 2025, 12:13, Politikë CNA

“Udhëtoja me tim atë me makinë”/ Rama, për

Kryeministri Edi Rama zhvilloi këtë paradite një takim zgjedhor në Devoll. Në fjalën e tij, Rama reagoi ashpër ndaj ngjarjes së pak ditëve më parë, ku i përfshirë ishte edhe kandidati i PD-së në Devoll, Bledjon Nallbati.

Në nisje të fjalës së tij, Rama ndau një histori të udhëtimit të tij të parë në Devoll, bashkë me të atin, ku kishte takuar edhe shkrimtarin e madh Dritëro Agolli.

“Ajo që po bëj në të gjitha qarqet është një bisedë që lidhet me Shqipërinë. Më kujtohet kur kam qenë i vogël, kam bërë një udhëtim me tim atë me makinë, së bashku më Dritëro Agollin. Pastaj, im atë më detyroi dhe shkuam në fshatin e tij në Menkulas”,-tha Rama.

Rama u shpreh se në Devoll, nga një deputet si Dritëro Agolli, u kalua në një kandidat si ai i PD-së, që Rama e quajti ‘rrugaç’.

“Devolli ka sjellë në Kuvend një rrugaç, të një niveli që nuk e di se në cilën vjershë të Agollit mund të gjente vend. Te fjala ‘kokëbosh’ dhe ‘trangull’ që Dritëroi përdor, ai gjen vend komplet. Si mundet populli i Devollit të votojë për një rrugaç. Ju e dini mirë kush është rrugaçi kryesor. E dini pse ai i Devollit bën si i fortë. Si mund të bjerë pazari deri në pikën që i çojnë Parlamentit këta. Më duket fundi, nga Dritëro Agolli te një rrugaç”,-tha Rama.

Në fund, Rama tha se faj për këtë ka përzgjedhja e kandidatit nga kryesia e Partisë Demokratike.

“Ju nuk keni faj, se atë rrugaçin këtu jua sjell këneta nga Tirana”,-tha Rama./CNA





Lajmet e fundit nga