web counter
LEXO PA REKLAMA!

SHKARKO APP

App Store
Google Play

“Nuk luftoj për karrigen time”/ Berisha në Mirditë: Nuk kam ambicie personale për pushtet

4 Maj 2025, 21:15, Politikë CNA

“Nuk luftoj për karrigen time”/ Berisha në Mirditë:

Kreu i Partisë Demokratike, Sali Berisha, nga takimi përmbyllës zgjedhor në Mirditë, deklaroi se për të gara e 11 majit nuk është luftë për karrigen e tij. Berisha tha se në stadin që ndodhet, nuk ka ambicie personale për pushtet.

Berisha akuzoi kryeministrin Edi Rama, se ka menduar se do të groposte opozitën.

Berisha tha se gjëja e vetme që do, është të shohë shqiptarët edhe njëherë, me besim të plotë te Shqipëria.

“Burreci 2 metra i gjatë që u ndry prej 3 muajsh duke folur me vete dhe nuk dilte dot në një studio televizive, e ka humbur totalisht dhe unë dua të ju them ju dhe mbarë shqiptarëve: Edi Rama është në rreth të kuq, dhe ju jap fjalën e nderit se kurrë nuk del më.

Jo, jo miq. Ai që mendoi se do të groposte opozitën. Ai që mendoi se do të groposte në Shqipëri pluralizmin.

Se do të groposte idealet e vërteta të lirisë së shqiptarëve, ai ka rënë dhe do bjerë çdo ditë e më shumë në një gropë nga e cila kurrë më nuk do të dalë.Në Valencia ranë kambanat e tij, për Edi Ramën.

Partitë politike më të mëdha të Europës, partia e Kancelarit Merz, partia e kancelarit austriak, partitë që kanë 14 kryeministra në Europë, e firmosën rezolutën, e votuan rezolutën për votën tuaj, duke damkosur Ramën si Llukashenkon, duke e shpallur atë armik të votës së lirë, armik të pluralizmit.

Duke e shpallur atë, regjimin e tij një bashkim me krimin dhe drogën, si asnjë tjetër në Europë. Duke e shpallur atë si një rrezik të vërtetë për demokracinë, lirinë dhe vlerat e saj.

Miq, kjo damkë, kjo vulë që mori ai në Valencia nuk e lëshon atë gjer ditën e fundit te jetës së tij.

Ndaj mirditore dhe mirditorë, shqiptare dhe shqiptarë, qëndroni në anën e drejtë të historisë. Ana e drejtë e historisë është ana e dinjitetit njerëzor, është ana e lirisë, ana e pluralizmit, ana e demokracisë, e shtetit ligjor.

Pasaporta e tij Europiane u hodh në kosh të plehrave. Edi Ramën e pret fati i McGonigalit. Socialistë mirditorë, shqiptarë, të paparti, çfarë do që jeni.

Ky program është për çdo shqiptar, nuk është program për karrigen e Sali Berishës. Sali Berisha nuk lufton për pushtetin e tij në mënyrë absolute.

Në këtë stad të jetës time, nuk kam unë ambicie personale, as për pushtet, as për para, por kam një ambicie të madhe shumë, të pashtershme; ti shoh shqiptarët edhe njëherë me besim të plotë te Shqipëria.

Ti shoh shqiptarët edhe njëherë te jetojnë me dinjitet në këtë vend. Ti shoh mirditorët ti besojnë Mirditës. Ti shoh shqiptarët ti besojnë Shqipërisë”,-tha Berisha./CNA

 





Lajmet e fundit nga