web counter
LEXO PA REKLAMA!

SHKARKO APP

App Store
Google Play

E fundit!

x

Problemi me kanalizimet në Mbrostar Urë/ Mavriqi: Nuk iu është dhënë zgjidhje në 40 vite, nuk duhet një mandat i katërt

4 Maj 2025, 15:49, Politikë CNA

Problemi me kanalizimet në Mbrostar Urë/ Mavriqi: Nuk iu

Kandidatja për deputete në Fier me Partinë Mundësia, Frida Mavriqi, ka denoncuar sot një problematikë në zonën e Mbrostar Urës. Nëpërmjet një postimi në rrjetet sociale, Mavriqi ndaj pamjet ku duket qartë situata emergjente me kanalizimet e ujërave të zeza.

Siç shprehet edhe Mavriqi, me këtë problem banorët e zonës përballen prej rreth 40 vitesh.

Mavriqi tregon se gjendja me kanalizimet e ka kthyer situatën në një problematikë që nuk i është dhënë zgjidhje në katër dekada.

Mavriqi shton se nuk mund të duhet edhe një mandat tjetër qeverisës, përderisa problemi në Mbrostar Urë vijon përgjatë gjithë këtyre viteve pa asnjë zgjidhje.

“Jam në Mbrostar Ura. Erdha për të takuar qytetarët dhe për të bërë një vizitë. Tani ndodhem te shkolla ‘Halit Grëmbi’, një shkollë 9-vjeçare e kësaj zonë dhe shikoni se sapo del nga porta e shkollës, me çfarë përballen fëmijët dhe banorët e kësaj zone. Janë kanalizimet e ujërave të zeza, të cilat vazhdojnë përgjatë kësaj vije dhe grumbullohen. Për të mos përmendur pastaj për aromën që ndihet sapo kalon në këtë zonë dhe mua kjo më bëri përshtypje dhe pyeta se çfarë janë këto dhe më thanë që janë kanalizimet e ujërave të zeza të cilat kanë, një banore këtu më tha të paktën 40 vite në këtë gjendje, që kur ajo ka ardhur dhe ka jetuar. Kanalet vazhdojnë përgjatë vijës së shtëpive të banuara dhe gjendja është e tillë thuajse në të gjithë Mbrostar Urën. Nuk i kanë dhënë zgjidhje këtij problemi 40 vjeçar, i cili është krejt i zgjidhshëm, a mendoni se kanë nevojë edhe për një mandat tjetër për të mbyllur kanalizimet e ujërave të zeza të cilat janë te dera e shkollës dhe shtëpi më shtëpi? “,-shprehet Mavriqi./CNA





Lajmet e fundit nga