web counter
LEXO PA REKLAMA!

SHKARKO APP

App Store
Google Play

Bledjon Nallbati si përsëritës i dhunës/ Rastet skandaloze

4 Maj 2025, 11:49, Politikë CNA

Bledjon Nallbati si përsëritës i dhunës/ Rastet skandaloze

Mbrëmjen e kaluar deputeti i PD-së Bledjon Nallbati dhe vëllai i tij Alti Nallbati janë përfshirë në një konflikt me një shofer kamioni, shtetasin S.D.

Nallbati së bashku me vëllain e tij kanë dhunuar fizikisht shoferin e kamionit, duke e goditur me grusht.

Policia ka vënë në pranga Alti Nallbatin ndërsa deputetin e PD, Bledjon Nallbatin i cili është dhe kandidat i PD-së për Korçën, e kanë lënë të lirë.

Ngjarja ka ndodhur në afërsi të rrethrrotullimit të Mirasit në qytetin e Bilishtit, ku Alti Nallbati ka ndaluar automjetin me të cilin lëvizte bashkë me Bledjon Nallbatin, ka dalë dhe ka debatuar verbalisht me një drejtues kamioni, dhe më pas ka tentuar ta zbresë me forcë nga kamioni shtetasin S.D, dhe ka tentuar ta qëllojë me grushte si dhe ta ofendojë duke kryer veprime të pahijshme në publik.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

“Specialistët për Hetimin e Krimeve në Komisariatin e Policisë Devoll në përfundim të veprimeve të kryera në lidhje me një konflikt të ndodhur mbrëmjen e djeshme në rrethrrotullimin e Bilishtit, arrestuan në flagrancë shtetasin A. N. 42 vjeç, banues në Devoll, për veprat penale "Dëmtime të tjera me dashje", "Prishja e qetësisë publike", dhe " Pengimi i qarkullimit të mjeteve të transportit".

Arrestimi i tij u bë pasi u kap në flagrancë menjëherë pas konfliktit të ndodhur midis shtetasve A.N, B.N dhe shoferit te një kamioni transporti shtetasi S.D.

Gjatë këqyrjes së pamjeve filmike dhe kryerjes se veprimeve të tjera hetimore, rezultoi se më datë 03.05.2025, rreth orës 21:15 , në afërsi të rrethrrotullimit të Mirasit në qytetin e Bilishtit shtetasi A.N, ka ndaluar automjetin me të cilin lëvizte bashkë me vëllanë e tij shtetasin B.N (kandidat për deputet i një subjekti politik) duke penguar qarkullimin e automjeteve që lëviznin në këtë aks rrugor.

Shtetasi A.N ka dalë nga automjeti dhe ka debatuar verbalisht me një drejtues kamioni, dhe më pas ka tentuar ta zbresë me forcë nga kamioni shtetasin S.D, dhe ka tentuar ta qëllojë me grushte si dhe ta ofendojë duke kryer veprime të pa hijshme në publik. Në këtë konflikt është përfshirë edhe vëllai i tij, shtetasi B.N, ku fillimisht ka tentuar të qetësojë situatën por më pas, bazuar në pamjet filmike ka tentuar të zbresë me forcë nga kamioni shtetasin S.D.”, njofton policia.

RASTET SKANDALOZE KU ËSHTË PËRFSHIRË BLEDJON NALLBATI

Në fakt ky nuk është rasti i parë që Nallbati përfshihet në skandalet të tilla.

Ai është një përsëritës i dhunës pasi në 30 tetor të vitit 2023, Bledjon Nallbati goditi me grusht në parlament deputetin e PD-së Vullnet Sinaj.

Bledjon Nallbati si përsëritës i dhunës/ Rastet skandaloze

Sipas Kodit Penal deputeti Nallbati rrezikonte të dënohej me gjobë ose deri në 5 vite burg por GJKKO e pushoi çështjen ndaj tij.

Po ashtu Bledjon Nallbati është kallëzuar për djegien e karrigeve para Kuvendit, një tjetër akt ky që tregon dhunën.

Bledjon Nallbati si përsëritës i dhunës/ Rastet skandaloze
Po ashtu shpesh është akuzuar mediatikisht si hajdut. Gjithashtu akuza të forta pati ndaj tij nga Deizi Arapi në dhjetor të 2023.

Arapit iu dogjën dy makina dhe hodhi akuza ndaj deputetit Bledjon Nallbati duke thënë se kishte pasur më herët një konflikt me të pasi i kishte pushuar nënën nga puna.

Nga ana tjetër vëllai i tij akuzohet për veprat penale "Dëmtime të tjera me dashje", "Prishja e qetësisë publike", dhe " Pengimi i qarkullimit të mjeteve të transportit".

Të gjitha këto raste skandaloze tregojnë se Bledion Nallbati i cili kandidon për deputet në qarkun e Korçës është përsëritës i dhunës, ndërsa policia e lë të lirë dhe pas ngjarjes tronditëse të mbrëmjes së kaluar./ CNA





Lajmet e fundit nga