web counter
LEXO PA REKLAMA!

SHKARKO APP

App Store
Google Play

Tom Doshi: PSD do të marrë mandat në Dibër

4 Maj 2025, 12:52, Politikë CNA

Tom Doshi: PSD do të marrë mandat në Dibër

Kryetari i PSD Tom Doshi gjatë një takimi elektoral deklaroi se social-demokratët do të marrin një mandat në qarkun e Dibrës në zgjedhjet e 11 majit.

“Programi jonë është një program social dhe i realizueshëm. PSD-në duhet ta votojnë qytetarët sepse programi jonë është në ndihmë të të varfërve dhe të sëmurëve. Ne kemi kapur pikat që njerëzit i prek në shpirt që kur shkojnë në shtëpi thonë po është e drejtë se unë jam me ndihmë sociale, po është e drejtë se unë jam i sëmurë. Jeni bashkuar të majtë e të djathtë për të na mbështetur sepse ju po mbështesni veten tuaj. Kam ardhur të kërkoj mbështetjen tuaj dhe t’ju jap fjalën se çfarë është thënë sot do të realizohet. Votoni PSD. Rezultati në Dibër këtë herë do të jetë 1 mandat PSD, 2 mandate PD dhe 2 mandate PS”.

Doshi vijoi takimet në bashkinë Kamëz duke thënë se qytetarët do të votojnë PSD për shkak të programit social të zbatueshëm në buxhetin e ardhshëm të qeverisë.

“Lufta jonë është kundër kancerit dhe varfërisë. Buxhetin për shëndetësinë do ta votojnë pozita dhe opozita sepse është një detyrim për të gjithë politikën shqiptare që t’ju shërbejnë njerëzve të sëmurë dhe të varfër. Ju bëj thirrje ju që të votoni PSD sepse ne kemi marrë përsipër të gjitha problemet e shqiptarëve dhe që realizohen, jo që nuk realizohen. Programi ynë përfshin të sëmurët, të varfërit, ata me ndihmë sociale, pensionistët, minatorët, ish të burgosurit politik dhe gjithë ata që në këto vite janë lënë pas dore”, tha Doshi./ CNA





Lajmet e fundit nga