Takimi i Ramës në Shkodër/ Boçi: Janë urdhëruar e presionuar njerëz

4 Maj 2025, 13:55, Politikë CNA

Takimi i Ramës në Shkodër/ Boçi: Janë urdhëruar

Drejtuesi politik i PD në Shkodër, Luçiano Boçi ka akuzuar kryeministrin Edi Rama se për takimin në Shkodër ka angazhuar dhjetëra autobusë, furgonë dhe vetura për të bërë shoën e tij të radhës.

Sipas Boçit, Rama e di mirë se shkodranët në të katër anët e qarkut e kanë braktisur Ramën dhe Benet Becin të cilin e quan miniaturën e kryeministrit.

Ai nënvizon se pushtetin e grabitur me banda tani po e përdor si qen lufte për të realizuar tallavanë tallëse të radhës dhe për të blerë, mashtruar e devijuar vullnetin politik të qytetarëve.

“Rama po kërkon dhe njëherë tjetër t’i imponohet Shkodrës dhe ta gjunjëzojë atë me urrejtjen që tashmë e ka dëshmuar për Shkodrën e Veriun.

Pushtetin e grabitur me banda tani po e përdor si qen lufte për të realizuar tallavanë tallëse të radhës dhe për të blerë, mashtruar e devijuar vullnetin politik të qytetarëve.

Prej ditësh, ndërmarrjet dhe institucionet në varësi të qeverisjes qendrore dhe vendore, kanë mbledhur firmat e punonjësve të tyre si garanci për pjesëmarrje në takimet e sotme të kreut të organizatës.

Nëse nuk konfirmojnë pjesëmarrjen, sipas kërcënimeve të sejmenëve të partisë, do të flaken në rrugë.Ky është banditizëm politik i pastër.

Por duke ditur mirë reagimin qytetar Shkodran dhe në panik, Rama ka detyruar sot të vijnë në Shkodër dhe njerëz të marrë me dhunë e presion nga Lezha, Laçi edhe nga Tirana.Dhjetëra e qindra autobusë, furgonë, vetura me urdhër politik, po sjellin në Shkodër duartrokitësit dhe flamurtundësit për të bërë shoën e tij të radhës.

Rama e di mirë që shkodranët, në të katër anët e qarkut të Shkodrës, e kanë braktisur Ramën dhe miniaturën e tij Becin.Takimet e sforcuara fushatore të këtyre ditë të mbushura me administratë të tërhequr zvarrë nga drejtuesit e strukturave të PS- së, e kanë faktuar e dëshmuar qartë këtë braktisje.

Edi Rama vjen në Shkodër vetëm 7 ditë para se të marrë ndëshkimin shembullor, të paparë ndonjëherë këto 35 vite, me votën masive të banorëve të qarkut të Shkodrës, sepse ajo që ai ofron është varfëria, krimi i organizuar e shpopullimi masiv 12 vjeçar.Edi Rama këtë herë, është i pashpresë.Nuk ka përballë vetëm Partinë Demokratike dhe Aleancën për Shqipërinë madhështore.

Ai ka përballë çdo shqiptar e demokrat që e do familjen dhe atdheun e tij,

çdo socialist të ndershëm që e kupton se PS është marrë peng nga banditë grabitës që kanë vënë në kokë kapuçin e pushtetit, çdo emigrant që ndjehet i turpëruar kur vendi i tij konsiderohet narkoshtet nga shumë media botërore.Me 11 maj, Shkodra e Shqipëria do të votojë për ndryshimin e shumëpritur, me të njëjtën dëshirë si me 22 mars 1992". ka deklaruar Boçi. / CNA