web counter
LEXO PA REKLAMA!

SHKARKO APP

App Store
Google Play

E fundit!

x

Kandidon për deputete në Korçë/ I ati i Besa Spahos i bën mesazh surprizë: Të jetë aktive e të mbrojë interesat e vendit

4 Maj 2025, 16:18, Politikë CNA

Kandidon për deputete në Korçë/ I ati i Besa Spahos i

Kandidatja për deputete në qarkun e Korçës me Partitë Socialiste, Besa Spaho, ka ndarë një video të ndjerë dhe emocionuese në rrjetet sociale. Nëpërmjet një videoje, i ati, Gëzim Spaho, ish-kryetar i PS-së për Korçën në vitet 2001-2006, ka përcjellë një mesazh për të.

Spaho shprehet se fjalët e të atit janë një rrëfim për rrugëtimin e saj dhe marrim akoma më shumë vlerë për shkak të misionit që ai ka përmbushur në detyrat e tij.

“Babai im, Gëzim Spaho, si rrallë herë ka rrëfyer për mua, për rrugëtimin tim, për vlerat që më ka trashëguar dhe për besimin që ka tek unë. Është një ndjesi e rrallë kur e dëgjon prindin të flasë për ty, jo thjesht si fëmijën e tij, por si një njeri që ka një mision për të përmbushur në shërbim të të tjerëve. Fjalët e tij janë frymëzim për mua, por edhe një kujtesë e përditshme se çdo hap që hedh duhet të jetë me përulësi, përgjegjësi dhe dashuri për njerëzit”,-shkruan Spaho.

Në mesazh, i ati Gëzim Spaho tregon se Besa ka nisur të jetë aktive me PS-në që në moshë të re, e lidhur me këtë parti edhe prej rrethanave të punës së tij.

“Këto dy vajzat e mia, si Migena, si Besa , u rritën me atë përkujdesjen tonë të mirë, gjithnjë duke menduar se do t’i rrisim dhe shkollojmë. Ato u ndjenë shumë afër Partisë Socialiste në kohën që unë isha kryetar i Partisë Socialiste për Korçën, nga viti 2001 deri në vitin 2006 dhe kjo ishte periudha për të cilën ato u afruan aq shumë me PS-në, sa konferencat për Korçën janë çelur o nga Besa, o nga Migena”,-tha Spaho.

Kandidon për deputete në Korçë/ I ati i Besa Spahos i

Spaho u shpreh se fillimet e angazhimit të Besës ishin rreth 20 vite më parë.

“Besa ka qenë më çapkëne se Migena, vajza tjetër. Ka qenë një vajzë e hedhur, e shkathët. Aty nga vitet 2004-2005 drejtonte grupin e FRESSH të gjimazit nr.3”,-tha Gëzim Spaho.

Në fund, i ati ndau edhe një këshillë për të.

“Të mos hyjë në listën e deputetëve që nuk e zenë Foltoren një herë me dorë. Të jetë pjesë aktive e deputetëve të cilët do të mbrojnë interesat e vendit, të partisë dhe legjislacionit”,-tha Spaho./CNA





Lajmet e fundit nga