web counter
LEXO PA REKLAMA!

SHKARKO APP

App Store
Google Play

E fundit!

x

Problemet me dërgimin e votave nga Greqia/ Rama bën thirrje: Ktheni zarfet për zgjedhjet e 11 majit

5 Maj 2025, 11:41, Politikë CNA

Problemet me dërgimin e votave nga Greqia/ Rama bën thirrje: Ktheni

Kryeministri Edi Rama ka ndarë sot një thirrje për të gjithë shtetasit shqiptarë që jetojnë në Greqi e që janë regjistruar për të votuar në zgjedhjet e 11 majit. Ky reagim i kryeministrit vjen pas informacioneve se në shtetin fqinj ka pasur disa problematika në këtë proces.

Nëpërmjet një postimi në rrjetet sociale, Rama njofton se të gjithë shqiptarët që jetojnë në Athinë, Selanik e kudo në Greqi, por jo në ishuj, nga sot, e hënë, datë 5 maj, deri të premten, datë 9 maj, pikat e shërbimit postar DHL do të funksionojnë me orar të zgjatur.

Kjo është tabela me adresat dhe oraret e shërbimit:

Problemet me dërgimin e votave nga Greqia/ Rama bën thirrje: Ktheni

Drejtuar bashkatdhetarëve që banojnë në ishujt e Greqisë: 

Për shkak të pamundësisë së kompanisë për të transportuar me avionë në kohë dërgesën tuaj përtej 24 orëve të ardhshme, data përfundimtare për të kthyer zarfet tuaja në pikat e shërbimit postar DHL, SPEEDEX, ose Courier Center, është dita e martë, datë 6 maj, në mënyrë që të sigurohet kthimi i tyre drejt Shqipërisë brenda afatit.

Rama bën thirrje që të dorëzohen zarfet sa më parë në DHL, SPEEDEX ose Courier Center, që vota të mbërrijë në kohë në Shqipëri.

Rama shprehet se vota është për fatin europian të kombit, për Shqipërinë 2030 në BE, për pasaportën europiane kuqezi në Greqi./CNA





Lajmet e fundit nga