web counter
LEXO PA REKLAMA!

SHKARKO APP

App Store
Google Play

E fundit!

x

Takimi zgjedhor në Sarandë/ Doshi: PSD, e vetmja parti me program social për qytetarët

5 Maj 2025, 11:07, Politikë CNA

Takimi zgjedhor në Sarandë/ Doshi: PSD, e vetmja parti me program

Kryetari i PSD-së, Tom Doshi, nga Saranda, u bëri thirrje qytetarëve që të votojnë Partinë Social-Demokrate si e vetmja që ka një program social për të mbështetur shtresat në nevojë.

Takimi zgjedhor në Sarandë/ Doshi: PSD, e vetmja parti me program

“Unë e dua pushtetin për t’ju shërbyer ju, të varfërve, pensionistëve, të mos mungojnë ilaçet. Jam forcë e tretë në Shqipëri dhe do jemi edhe nesër forcë e tretë. Vetëm komisionerë kemi 6 mijë në të gjithë vendin. Unë kërkoj prej jush që të angazhoheni të na mbështesni që të mbështesni veten tuaj. Shumë njerëz në gjithë vendin më thonë që nëse nuk do ishe ti, nuk do të kishim shkuar për të votuar. Ju ftoj që të bëheni të gjithë bashkë”, - tha Doshi.

Doshi tha se Saranda përballet prej vitesh me disa probleme, të cilat nuk kanë gjetur zgjidhje, ndërsa u bëri thirrje që të mbështesin PSD-në më 11 maj.

Takimi zgjedhor në Sarandë/ Doshi: PSD, e vetmja parti me program

“Unë i di problemet që ka Saranda, probleme me legalizimet, me certifikatat e pronësisë. Saranda nuk ka ujë, duan që ta çojnë ujin në Itali nëpërmjet tubacioneve. Asnjë politikan që keni pasur deri më tani nuk kanë pasur ndjenja dhe po nuk pate shpirt për të ndihmuar të tjerët nuk mund të bësh asgjë. Kam shumë malësorë, mirditorë që janë këtu në Sarandë dhe e ndiejnë veten njësoj si ju. Ky është një mesazh i madh që ne malësorët kudo që shkojmë dimë që të respektojmë të tjerët. Ju që jeni këtu dhe miqësinë kudo që e keni, në Greqi dhe kudo ku punoni, sepse kjo është java e fundit”,-tha Doshi.  

Në këtë javë të fundit të fushatës elektorale, takimet e kryetarit të PSD-së, Tom Doshi, me elektoratin do të vijojnë intensivisht në të gjithë Shqipërinë./CNA





Lajmet e fundit nga