web counter
LEXO PA REKLAMA!

SHKARKO APP

App Store
Google Play

“Arsyeja kryesore e emigrimit është kryeministri”/ Kalaja: Vota e diasporës, protestë ndaj Ramës

5 Maj 2025, 09:02, Politikë CNA

“Arsyeja kryesore e emigrimit është kryeministri”/ Kalaja:

Kandidati për deputet i Partisë Demokratike, Aulon Kalaja, i ftuar në emisionin “Kafe shqeto” në "Syri TV", tha se vota e diasporës do të jetë një shenjë proteste ndaj Ramës.

Më tej Kalaja tha se të gjitha projektet e Ramës janë të dështuara.

Gjithashtu Kalaja bëri dhe një ftesë për kundërshtarët socialistë, për të dalë në debat televiziv përballë njëri-tjetrit.

 

“Arsyeja kryesore që njerëzit, jo kanë emigruar, por janë shpërngulur, unë mendoj që është kryeministri Rama dhe besoj se kjo votë e diasporës do të jetë një votë proteste ndaj tij dhe unë e besoj votën e diasporës.

Neutralizimi do të vijë me bashkim qytetarësh, ne jemi çdo ditë në terren, pakënaqësia është e jashtëzakonshme dhe kjo nuk është propagandë e radhës sepse unë e di që këtu kanë ardhur kandidatë të ndryshëm e thonë kemi bërë këtë, kemi bërë atë.

Unë besoj shumë fort pasi të gjitha projektet e Ramës janë të dështuara, kemi projektin e tërmetit, p.sh., janë këtu të gjithë këta banorët e kësaj zone që do të japin votën kundër tij, sepse është diçka që nuk durohet edhe për 4 vite të tjera ky sistem.

Unë personalisht jam kundër mandateve të treta apo të katërta, nuk mund të jetë një kryeministër me aq mandate sepse nuk ke çfarë i jep më vendit tënd. Demokracia amerikane ka vetëm 2 mandate me ligje, nuk merr dot mandat të tretë e të katërt.

Sot unë kam edhe një thirrje për kandidatët e palës tjetër që i kam përballë meje, ne kemi detyrim ndaj qytetarëve, që t’i ftojmë këta në një debat, e teksa unë e ftoj palën kundërshtare të Partisë Socialiste që ne të dalim në një debat qytetar.

Politika nuk është me tregu muskujt, paratë e makinat e shtrenjta, pasi këtë garë e fitoni se keni lekë më shumë se unë, unë ju ftoj në një debat televiziv kudo që doni ju, që ne të dalim përballë njëri-tjetrit se për çfarë e dua unë pushtetin dhe për çfarë doni ta merrni ju mandatin e katërt?

Përpara se të vini të na e tregoni këtë duhet të vini e të na tregoni se çfarë keni bërë këto 12 vite, e kjo gjë ndodh edhe në SHBA, dy kandidatë për deputetë dalin në një debat televiziv e kanë me ligj, ata edhe amerikanët vendosin se cili është i duhuri. Prandaj një nga iniciativat e mia të para në rast se do jem në parlament është rikthimi i debatit mes kandidatëve, detyrim në çdo studio televizive kudo që të jetë", tha Kalaja./ CNA

 





Lajmet e fundit nga