web counter
LEXO PA REKLAMA!

SHKARKO APP

App Store
Google Play

E fundit!

x

“Hyni në gjynah nëse votoni opozitën”/ Rama, në Devoll: Mos çoni rrugaçë në Kuvend

5 Maj 2025, 12:39, Politikë CNA

“Hyni në gjynah nëse votoni opozitën”/ Rama, në

Kryeministri Edi Rama zhvilloi këtë të hënë një takim zgjedhor në Devoll, ku u ndal në një sërë çështjesh të Qarkut të Korçës. Në fjalën e tij, Rama vuri theksin te vota për zgjedhjet e 11 majit.

Nga Devolli, Rama deklaroi se banorët nuk duhet të votojnë për kënetën, siç e quan ai opozitën dhe se kandidatët e PD-së duhet të shkojnë në shtëpi.

Rama tha se në Devoll problemi është i dyfishtë.

Sipas Ramës, vota më 11 maj për delvinjotët është punë e dyfishtë, pasi shpëtojnë edhe Shqipërinë, por edhe nga opozita.

“Mendoj unë, se hyni edhe në gjynah se mirë votën në kënetë, por hyni edhe në gjynah që mbani rrugëve një njeri që duhet të shkojë në shtëpi. Shikojeni këtë punë, këtu në Devoll e keni të dyfishtë problemin. Hyni në gjynah se çoni rrugaçë në Tiranë. Devolli, vendi i njerëzve më punëtorë të njohur me nam. Devolli i mikpritjes dhe të tëra të mirave, por kur na çojnë rrugeçër atje një gjysmak, çyryk që s’ka lënë rast pa e treguar dhe pa i rënë gjoksit, pa bërë gjeste dhe shfaqje për të thënë se unë jam çyryk nuk e di. Ne duam të jemi bashkë, me ju dhe pa ju, do të fitojmë. Por bashkë me ju ne të bëjmë atë që na takon për Shqipërinë. Ju bëni një rrugë e dy punë, edhe shpëtoni Shqipërinë, edhe e shpëtoni nga këneta”,-tha Rama.

Ndërkohë, Rama vijoi me ironitë ndaj opozitës, teksa tha se kryedemokrati gënjente gjithë dynjanë, kur thoshte se vendi krahasohet për rritje ekonomike me Gjermaninë.

“Kur ai rrugaçi këtu, bashkë me baba bufin në Tiranë ishin në garë me Gjermaninë, e mbani mend ju? Ky këtej duke rrahur njerëz, ai atje duke gënjyer gjithë dynjanë, e thoshin se jemi të dytët pas Gjermanisë. Ne nuk jemi në garë me Gjermaninë, por me rajonin. Këto shifra nuk janë as të miat, as të qeverisë, por të Fondit të Zhvillimit dhe organizatave ndërkombëtare që ndjekin ekonominë botërore”,-tha Rama.

Rama shtoi se rreth 12 vite më parë, shqiptarët e shpëtuan vendin nga qeverisja e demokratëve.

“Kompanitë më parë futeshin në borxh me shtetin dhe ndaluan. Dhe po kështu edhe me kompanitë e shërbimeve. Shqipërinë e kanë shpëtuar ata që votuan që të nxjerrin baba bufin me shqelma”,-tha Rama./CNA  





Lajmet e fundit nga