web counter
LEXO PA REKLAMA!

SHKARKO APP

App Store
Google Play

E fundit!

x

“Po ta mban, hajde këtu, mos dil me 'Lamborghini'-n e Noizit”/ Berisha: Edi, nuk je i rrjedhur, por je i trembur

5 Maj 2025, 14:35, Politikë CNA

“Po ta mban, hajde këtu, mos dil me 'Lamborghini'-n e

Kreu i Partisë Demokratike, Sali Berisha, zhvilloi këtë të hënë takim zgjedhor në Bulqizë. Në këtë takim, Berisha u ndal te komentet e kryeministrit Edi Rama, gjatë takimit që ai zhvilloi sot në Devoll.

Berisha u shpreh se ai nuk përdor epitete fyese ndaj Ramës, por shtoi se Rama është i trembur dhe i tmerruar prej zgjedhjeve.

Berisha akuzoi Ramën se është armik i pluralizmit, armik i opozitës dhe sipërmarrës i përbashkët me krimin.

“Dëgjojeni pak programin tjetër. Një pyetje t’ju bëj, për çfarë u hyn në punë minatorëve që rraskapiten 8 orë në galeri, 'Lamborghini' i Noizit? Më thoni ju mua? Çfarë u sjell minatorëve 'Lamborghini' i Noizit. Sot ai në Devoll tha se mosha e ka bërë të rrjedhur Berishën. Unë nuk i them se je i rrjedhur Edi Ramës.

Edi, nuk je i rrjedhur, por je i trembur. Je i tmerruar. Ti edhe klounin bën, por prapë hajde këtu në këtë sallë të dalim përpara këtyre burrave. Po ta mban, hajde këtu, mos dil me 'Lamborghini'-n e Noizit, po dil me këta. Dil pak këtu, dëgjoji këta burra se çfarë sakrificash bëjnë.

Po ty nuk ta vret fare për ta se mendjen e ke te 'Lamborghini'-t, e ke te Kopshti i Edenit që e blen 5 milionë euro për të eglendisur sytë, dhe të sëmurët i lë pa ilaçe në Spitalin Onkologjik.

Ndaj dhe lëri ato ti. Ai bën klounin, po nuk është as kloun. Problemi i tij është se nuk di ku të fusë kokën.

Ai është në rreth të kuq, prandaj bën klounin. Ai është në rreth të kuq sepse siç u damkos në rezolutën e udhëheqjes politike më kryesore të Europës, ky është armik i pluralizmit, ky është armik i opozitës, ky është sipërmarrës i përbashkët me krimin. Ndaj ta ketë të qartë ai se kurrë, deri në orën e fundit të jetës së tij, këto damka nuk i hiqen. Nuk del nga rrethi i kuq më”,-tha Berisha./CNA

 

 





Lajmet e fundit nga