web counter
LEXO PA REKLAMA!

SHKARKO APP

App Store
Google Play

“Jemi në borxh me minatorët”/ Berisha, në Bulqizë: Kemi plan për t’ju shpërblyer siç e meritoni

5 Maj 2025, 14:18, Politikë CNA

“Jemi në borxh me minatorët”/ Berisha, në

Kreu i Partisë Demokratike, Sali Berisha, zhvilloi sot një takim zgjedhor në Bulqizë. Në fjalën e tij, Berisha theksoi rëndësinë e kromit si mineral i rëndësishëm edhe për ekonominë shqiptare, si edhe vështirësitë e punës së minatorëve.

Berisha tha se Shqipëria ka një borxh ndaj minatorëve, që do t'u kthehet ashtu siç e meritojnë.

Berisha u shpreh se në këtë punë, shpeshherë punëtorët kanë dhënë edhe jetën, e për këtë, PD ka një plan për t’i shpërblyer siç e meritojnë.  

“'Made in Albania' është shtylla e dytë kryesore e prodhimit tonë. Krenaria jonë është prodhimi ynë kombëtar. Dhe ne mund të nxjerrim minerale ndoshta më shumë se çdo vend tjetër në Ballkan. Askush nuk ka shumëllojshmërinë e mineraleve dhe minierave tona. Jo vetëm do t'i nxjerrim, por do t'i shndërrojmë në pasuri dhe mirëqenie për ju.

Unë personalisht ju them juve se atë e kemi si një borxh që Shqipëria ka ndaj jush. Dhe borxhi do kthehet. Borxhliu që nuk kthen borxhin është i mjerë. Ne do t'ju vendosim juve në piedestalin që meritoni! Miq, ky është programi ynë për minatorët.

Shoqëria shqiptare, shteti shqiptar, kanë qenë të padrejtë ndaj minatorëve të Bulqizës dhe Shqipërisë.

E them këtë sepse ju, baballarët tuaj, njerëzit tuaj, në dekada e dekada, keni derdhur lumenj djerse nëntokë në kushte shumë të vështira me sakrifica të mëdha, herë-herë dhe jetën dhe ju nuk keni marrë, nuk jeni shpërblyer asnjëherë për atë që meritoni.

Unë kam biseduar në mënyrë të përsëritur me përfaqësuesit tuaj, me kryetarin e sindikatave, Përparimin, Shaqirin, dhe vij para jush me një koncept të ri.

Dhe ky koncept është ky: Shoqëria ka borxh të madh ndaj minatorëve”,-tha Berisha./CNA





Lajmet e fundit nga