web counter
LEXO PA REKLAMA!

SHKARKO APP

App Store
Google Play

E fundit!

x

“Nuk e kam programin as për veten, as për partinë”/ Berisha: Të bëjmë sa 100 ditë në këto 4 ditë që kanë mbetur

5 Maj 2025, 13:00, Politikë CNA

“Nuk e kam programin as për veten, as për partinë”/

Kreu i Partisë Demokratike, Sali Berisha, zhvilloi sot një takim zgjedhor në Mat. Në fjalën e tij, Berisha theksoi rëndësinë e këtyre ditëve të fundit para mbajtjes së zgjedhjeve të 11 majit.

Berisha tha se programi i PD-së nuk është një program as për partinë, as për atë vetë, por për çdo qytetar të këtij vendi.

Berisha shtoi këto 4-5 ditë që kanë ngelur, të bëhen sa 100 ditët e jetës, pasi është vetëm në interesin kombëtar.

“Mesatarja hiqet. Nuk ka më mesatare për të hyrë në universitete. Tarifat e universiteteve pjesëtohen me 4 për çdo student. Studentët më bursë do kenë 200 euro bursën, minimumin jetik. Studentëve pas përfundimit të studimeve, qeveria do t'u paguajë sigurimet shoqërore një vit. Çdo çift i ri një çati, 30 mijë euro grant për të paguar interesat e kredisë.

Miqtë e mi, ky program nuk është një program as për partinë, as për Sali Berishën. Ky program është për çdo qytetar të këtij vendi. Garantoj se do ketë ulje të madhe në çmimet e ndërtimeve.

A e dini ju se këta kanë dhjetëfishuar taksën mbi sipërfaqen e ndërtimit? Ajo ishte 2 për qind e kostos, e kanë kthyer në 10 për qind të çmimit të shitjes. 3 për qind taksa sociale, hiqet. Në këtë mënyrë një ndërtues që do paguante 400, do paguajë 40. Do paguajë shumë më pak.

Ky është programi ynë dhe ky program është vetëm 100 ditë. Ditët e tjera Shqipëria do bëhet madhështore, ju garantoj ju se me këto masa Mati, pasuritë e veta do t'i shndërrojë në pasuritë e matjanëve. 'Made in Mat', 'Made in Albania' do jenë krenaria jonë kombëtare.

E afërt dita kur ne do subvencionojmë panelet diellore në çdo çati shqiptari që do dhe pas tri vitesh ai do marrë energjinë falas prej tyre. Ndaj dhe këto 4-5 ditë që kanë ngelur, le t’i bëjmë ne 100 ditët e jetës sonë.

Të bëjmë sa 100 ditë në këto 4 ditë. Dhe ju garantoj se do jetë në interesin më të madh direkt të çdo qytetari shqiptar.

Dhe kur është në interesin më të madh të çdo qytetari, është në interesin më të madh të kombit, të Matit, të Shqipërisë”,-tha Berisha./CNA

 





Lajmet e fundit nga