Zdroms, nuk të ndihmojmë dot!

31 Janar 2025, 20:25, Politikë REDAKSIONALE

Sot mbasdite në redaksinë e “CNA-së” ka ardhur një kallëzim, një njoftim nga Gjykata ku kryebashkiaku Erion Veliaj i vetëquajturi “zdroms”, ka paditur “CNA” dhe gazetarin Elvi Fundo për disa shkrime të bëra së fundmi në lidhje me vizitat e shpeshta në SHBA. Me kërkesat publike të bëra për t’i kërkuar SPAK të hetojë vizitat e tij, shpenzimet, pagesat dhe gjithçka tjetër ka ndodhur.

Nuk po i përgjigjemi Erionit, ta dijë që do t’i shkojmë në gjykatë, siç i shkuam edhe Mirel Mërtirit njeriut të inceneratorëve, grupit të strukturuar kriminal të inceneratorëve, siç i ndënjëm përballë drejtorëve të dosjes “5D”, do t’i qëndrojmë edhe “zdromsit” në Gjykatë. Njësoj janë, një fytyrë kanë, nuk ndryshojnë shumë.

Nuk e ndihmojmë dot fytyrën e tij të vrenosur nga hetimet e SPAK, nuk e shpëtojmë dot as atë, askënd tjetër nga zullumet, bëmat dhe gjëmat që kanë bërë. Dokumentat i kanë në hetim, gjithçka e ka bërë me dorën e tij, i kemi thënë faleminderit edhe Ajolës që ekziston dhe “lalit” po i themi faleminderit që ekziston dhe ti që sillesh si Mirel Mërtiri i inceneratorëve.

Erion Veliaj thirret sërish në SPAK
23 Dhjetor, 17:27

Si pronari faktik i inceneratorit që nuk ekziston, i tillë është Erion Veliaj, nuk ka ndonjë ndryshim, ne nuk na shqetëson, do përballemi në gjykatë, ditë pas dite. Vetëm një problem kemi ne si redaksi, a do të vijë në gjykatë vetë dot Erioni apo do jenë thjesht avokatët e tij se ndoshta tjetërkund do të jetë Erioni dhe ne do t’i shkojmë në seancë t’i qëndrojmë përballë.

Koha e “zdromsave” ka mbaruar, koha e të vërtetës nuk ndalet. Erion Veliaj ka bërë shumë pak, vetëm një padi, shpresojmë të bëjë tjetër, dhe tjetër, dhe tjetër. Dhe, ne do t’i shkojmë me një tjetër dokument, me një tjetër fakt, dhe çdo ditë do të shkruajmë dhe do të kërkojmë hetimin e tij, ndëshkimin e tij sipas ligjit dhe një veting jo vetëm për Erionin si “zdroms”, por për çdo “zdroms” tjetër që mendon se me kallëzimin në gjykatë mund të na ndalë.

Kush i pagoi dy vizitat e dështuara të Erion Veliajt në SHBA?
23 Janar, 11:39

Nuk po e quajmë as shantazh dhe as presion, shqip nuk na e ndjen fare çfarë bën Erion Veliaj, ne do të vazhdojmë betejën tonë përballë dosjes “5D”, përballë inceneratorëve. Nuk kemi kohë të merremi me fustanet e Ajolës, as me paratë e gjetura në kasafortat e saj, as me milionat e eurove që ndajnë media për t’i blerë e për t’i përdorur për fushatë, por do të jemi me publikun me të vërtetën, përballë edhe kur ka padi, edhe kur s’ka padi.

Video - E shoqëruar nga bodiguardë/ Ajola Xoxa del nga SPAK-u
23 Dhjetor, 18:49

Të fala Erion, por s’të ndihmojmë dot. Ndoshta nuk do të mundesh dot që të vish në gjykatë se tjetërkund do të jesh, çështje kohe është e gjitha.

Gjithsesi, këtë shkrim të parë e ke redaksional, do vazhdojmë të shkruajmë çdo ditë për gjithçka ne mendojmë se është e vërtetë edhe për udhëtimet e tua në SHBA edhe për thashethemet që hap në Tiranë se ke takuar një ambasador apo një të dërguar të Presidentit të SHBA-së apo se e ke mbyllur dosjen dhe t’i nuk dënohesh, apo se e ke zgjidhur pazarin tënd me SPAK-un apo se me Xhafën dhe me të tjerët do të zgjidhësh çdo gjë, apo se Edi Rama nuk të lëshon ty se po re ti bie dhe qeveria e kështu me radhë.

Suksese në jetë se në politikë ti ke marrë fund, më drejtësinë halle të mëdha ke!

Ne nuk të ndihmojmë dot në hallet e tua o Mirel Mërtiri i Bashkisë së Tiranës. /CNA