web counter
LEXO PA REKLAMA!

SHKARKO APP

App Store
Google Play

LZHK dhe Bindja Demokratike bashkojnë forcat/ Shkrihen në një subjekt të vetëm politik

31 Janar 2025, 12:47, Politikë CNA

LZHK dhe Bindja Demokratike bashkojnë forcat/ Shkrihen në një

Ditën e sotme LZHK dhe Bindja Demokratike kanë bashkuar forcat duke zyrtarizuar shkrirjen në një subjekt të vetëm politik.

Gjatë takimit u prezantuan figurat e reja në parti, avokati z. Arben Muça në postin e nënkryetarit të LZHK dhe dr. Artemida Islami Lenz në pozicionin e Shefes së Departamentit të Diasporës dhe Arsimit.

“Sot është data 31 janar 2025, saktësisht dhe historikisht, është Dita e Republikës së Shqipërisë, e përcaktuar si e tillë 100 vjet më parë, me vullnet të përfaqësuar të popullit të Shqipërisë.

Nëse do të shtronim një pyetje për qytetarët, politikanët dhe historianët shqiptarë se kur daton forma 'Republikë' e regjimit politik që aktualisht ka Shqipëria, ka mundësi që shumica e qytetarëve nuk e dinë, politikanët ka mundësi të mos përgjigjen fare, ndërsa historianët ka mundësi të skuqen nëse me të vërtetë njihen për të tillë.

Do të duhej të shprehej në Protokollin e Shtetit, por është shmangur. Do të duhej të shprehej për këtë datë të shënuar, së paku një shtetar i Republikës së sotme të Shqipërisë. Askush nuk foli, sikur Republika e Shqipërisë të ketë ardhur nga humbëtira.

Në fakt, pikërisht si sot 100 vjet më parë, Asamblea Kushtetuese e Shqipërisë, institucion përfaqësues i zgjedhur nga populli, më 31 janar 1925 e shpalli Shqipërinë 'Republika Shqiptare' dhe zgjodhi Ahmet Zogun Kryetar të Republikës, 'President' sipas njohjes ndërkombëtare, ku presidenti është edhe kryetar i qeverisë.

Populli shqiptar i vuajtur dhe thuajse për vite të shumta i paqeverisur, kishte tani ku të mbështetej: kishte shtetin e vet, i cili do të krijonte kushtet për një kohezion më të mirë kombëtar ndaj rreziqeve dhe kërcënimeve që i paraqiteshin vendit në ato kohëra e situata delikate.

Diktatura komuniste, jo vetëm që nuk e njohu 'Republiken Shqiptare', por edhe e dënoi me vdekje në mungesë Ahmet Zogun, shtetarin që udhëhoqi shtetin më jetëgjatë shqiptar përpara Luftës së Dytë Botërore. Diktaturës komuniste i duhej ky verdikt, midis të tjerash, edhe për ta filluar historinë e Republikës së Shqiperisë më 11 janar 1946 dhe jo më 31 janar 1925!

Shteti i sotëm shqiptar e përcakton që në Nenin 1, se 'Shqipëria është Republikë parlamentare', por 'harron' ta njohë, me Protokoll Shtetëror, ditën e themelimit të saj, si ditë feste zyrtare, ditë përkujtimi apo ditë e shënuar. Kjo tregon për një deficit në kulturën politike kombëtare, ndërkohë që shohim se 'Dita e Republikës' renditet në kalendarin zyrtar të shumicës së shteteve në botë!”, thuhet në njoftim./ CNA





Lajmet e fundit nga