web counter
LEXO PA REKLAMA!

SHKARKO APP

App Store
Google Play

Deklaratat e Ahmetajt, Dash Shehi: Është shkurre që nuk lë gropë

31 Janar 2025, 07:46, Politikë CNA

Deklaratat e Ahmetajt, Dash Shehi: Është shkurre që nuk lë

Kreu i LZHK-së, Dashamir Shehi, ka komentuar deklaratat dhe akuzat e Arben Ahmetajt kundrejt Ramës dhe qeverisë.

Sipas Shehit, Arben Ahmetaj është një shkurre që nuk lë gropë dhe të tillë Rama i ka shkulur pasi për të nuk kanë vlerë, i përdor dhe pastaj i hedh.

 “Po t’i shikosh këta 3 emra që keni vendosur ju, çfarë janë? Çfarë ishin përpara? Asnjë gjë! Nëpunës të vegjël. Këta ky i ka zgjedhur me dorë. Pse? Se i binden. Midis tyre edhe ky Ahmetaj, edhe ca Ahmetaj të tjerë që janë aty në Parlament, edhe ata që kanë ikur dhe ata që po vijnë. Shefi i madh, autokrati, çfarë zgjedh? Zgjedh njerëz pa vlerë, njerëz të korruptueshëm, sepse shqiptari është mësuar të qeverisë me anën e dobët të njerëzve, jo me anën e mirë. Edhe i vendos në pushtet, këta i komandon ti. Kanë dhe një avantazh tjetër këta. Kur t’i shkulë shefi, siç ka shkulur këtë (Ahmetajn) dhe do t’i shkulë dhe këta të tjerët, këta nuk lënë gropë sepse nuk janë pemë, janë një shkurre e vogël, i heq dhe i hedh. Dhe nuk prishin punë këta. Historia e PS-së, edhe e PD-së, është e mbushur me histori të tilla”, u shpreh Dashamir Shehi./ CNA





Lajmet e fundit nga