web counter
LEXO PA REKLAMA!

SHKARKO APP

App Store
Google Play

“Kjo merr fund tani”/ Berisha: Përgjysmojmë tarifën dhe heqim mesataren e pranimit në Universitet

29 Janar 2025, 20:02, Politikë CNA

“Kjo merr fund tani”/ Berisha: Përgjysmojmë tarifën

Kryetari i Partisë Demokratike, Sali Berisha shpalosi programin për Arsimin dhe Shkencën. Berisha, theksoi se do të përgjysmohen tarifat në Universitete, e po ashtu lajmëroi edhe heqjen e mesatares së pranimit në Universitet. Berisha, u shpreh se studentët shqiptarë nuk mund të paguajnë më shumë se moshatërt e tyre në Austri, Gjermani apo Francë.  

“Një qëndrim tjetër ndaj studentëve. Pranimet në universitete do jenë tjera, nuk është më mesatarja ajo që udhëheq, jo, do të hiqet. Sigurisht që pranimet do të jenë transparente. Tarifat do të përgjysmohen, minimumi.

Unë e kuptoj dhe mirëkuptoj botën akademike, e cila për mungesë buxheti shikon te tarifat e studentëve një burim shumë të rëndësishëm të të ardhurave.

Por, garantoj se, buxheti do të dyfishohet për arsimin, ndërkohë tarifat, nuk mund të paguajë studenti në Shqipëri tarifë dy-tri herë më të lartë se studenti në Austri, apo se studenti në Gjermani, apo se studenti në Francë.

Këto janë gjëra absurde, në një kohë kur prindërit e atyre studentëve kanë të ardhurat 5-6 herë më të mëdha se prindërit e këtyre këtu. Merr fund kjo! Thashë edhe njëherë, minimumi do të përgjysmohen, por edhe mund të zbresin në 1/3 sipas rastit”, tha Berisha. /CNA





Lajmet e fundit nga