web counter
LEXO PA REKLAMA!

SHKARKO APP

App Store
Google Play

E fundit!

x

Skandali me garën në RTSH/ Zhupa: Këshilli Drejtues të japë llogari

29 Janar 2025, 12:16, Politikë CNA
Skandali me garën në RTSH/ Zhupa: Këshilli Drejtues të
Kryetarja e Komisionit të Medias Ina Zhupa

Kryetarja e Komisionit të Medias, Ina Zhupa, ka kërkuar në mënyrë urgjente të thirret në komision Këshilli Drejtues i RTSH-së në lidhje me procedurat e paligjshme që po zhvillohen për garën për drejtor të Përgjithshëm.

Zhupa është shprehur se është e papranueshme dhe e paligjshme që anëtarët e Këshllit të shpikin procedura ekstraligjore.

Sipas deputetes së PD-së, Këshilli Drejtues duhet të japë llogari, pasi RTSH nuk është një pronë private, por paguhet me paratë e taksapaguesve shqiptarë.  

“Është e papranueshme dhe e paligjshme që anëtarët e Këshillit Drejtues të shpikin procedura ekstraligjore të krijojnë votime për kriteret, sipas ligjit, kriteret nuk votohen.

Nga 10 kandidatë, 5 kandidatë i plotësonin kriteret dhe kaluan fazën dhe 5 të tjerë nuk nuk i plotësuan kriteret.

5 kandidatët që janë zgjedhur nuk votohen për kriteret, por votohet a do të zgjidhen apo jo drejtorë.

Pra 5 kandidatët janë kandidatë për drejtor, nuk mund të votohen më për t’i skualifikuar, edhe pse plotësojnë kriteret këto janë shpikje antiligjore. Ky komision ka përgjegjësi për Këshillin Drejtues sepse jemi ne që i zgjedhim ata dhe jemi ne që i shkarkojmë ata, monitorojmë ata dhe u japim paratë publike shqiptarëve.

RTSH nuk është pronë private e Këshillit, është pronë publike e shqiptarëve që paguajnë 23 milionë euro në vit.

Ne të ngrihemi në lartësinë e detyrës si komision. Me urgjencë për shkak të çështjes të thërrasim të gjithë Këshillin në një seancë llogaridhënie se kanë për detyrë të japin llogari kur shpërdorojnë detyrën.

T’i çohet një shkresë këshillit për ndaljen e procedurave dhe marrjen e vendimit për garën se quhet e paligjshme.

Unë sugjeroj që në bashkëpunim me kryetaren e Kuvendit ta shfrytëzojmë për t'u shkëputur një moment dhe të zhvillojmë mbledhjen e komisionit”, tha Zhupa./ CNA





Lajmet e fundit nga