E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

“Mandati i disa anëtarëve në diskutim”/ Bardhi: Mazhoranca kërkon kapjen e Kushtetueses

28 Janar 2025, 14:23, Politikë CNA

“Mandati i disa anëtarëve në diskutim”/ Bardhi:

Kreu i Grupit Parlamentar të Partisë Demokratike, Gazment Bardhi, ka deklaruar se prej kohësh ka një tendencë nga mazhoranca për të mbajtur të destabilizuar Gjykatën Kushtetuese përmes vënies në diskutim të mandatit të disa prej anëtarëve të saj.

Sipas Bardhit kjo lojë vazhdon tashmë prej muajsh, ndërkohë që Kushtetuta dhe ligji organik janë krejt të qartë: Përveç dy gjyqtarëve (Holta Zaçaj - 2025 dhe Sandër Beci - 2028), Kushtetuta dhe ligji kanë parashikuar një mandat të plotë 9-vjeçar për të gjithë gjyqtarët e tjerë kushtetues.

Ai thekson se vazhdimi i kësaj loje dhe çdo lexim i ndryshëm i Kushtetutës dhe ligjit, është duke cenuar rëndë pavarësinë dhe paanshmërinë e gjyqtarëve kushtetues.

Bardhi nënvizon se kjo përbën një përpjekje për kapjen dhe vendosjen nën kontrollin politik të Kushtetueses nga mazhoranca.

“Pavarësia e Gjykatës Kushtetuese është thelbësore për garantimin e shtetit të së drejtës. Prej kohësh ka një tendencë të mazhorancës socialiste për të mbajtur të destabilizuar Gjykatën Kushtetuese, përmes vënies në diskutim të mandatit të disa prej anëtarëve të saj.

Kjo lojë që vazhdon tashmë prej muajsh, ndërkohë që Kushtetuta dhe ligji organik janë krejt të qartë: Përveç dy gjyqtarëve (Holta Zaçaj - 2025 dhe Sandër Beci - 2028), Kushtetuta dhe ligji kanë parashikuar një mandat të plotë 9-vjeçar për të gjithë gjyqtarët e tjerë kushtetues.

Prandaj vazhdimi i kësaj loje dhe çdo lexim i ndryshëm i Kushtetutës dhe ligjit, është duke cenuar rëndë pavarësinë dhe paanshmërinë e gjyqtarëve kushtetues.

Kjo përbën një përpjekje të qartë për kapjen dhe vendosjen nën kontrollin politik të mazhorancës gardianin suprem të Kushtetutës, Gjykatën Kushtetuese. Dhe kjo padyshim është një atentat për asgjësimin e vetë Kushtetutës”, shkruan Bardhi./ CNA