“Gardëroba e Velicës me vlerë 2 milionë euro”/ Berisha: Autopsia e Ahmetajt nxori kalbësirën

29 Janar 2025, 13:07, Politikë CNA

“Gardëroba e Velicës me vlerë 2 milionë euro”/

Ajola Xoxa

Ish-kryeministri Sali Berisha, në mbledhjen e grupit parlamentar, ka përmendur sërish deklaratat e ish-zëvendëskryeministrit Arben Ahmetaj, duke thënë se ishin në shërbim të autopsisë për të nxjerrë kalbësirën që qeveris sot Shqipërinë.

Berisha tha se Ahmetaj tregoi me fakte se Veliaj është personi që ka firmosur për djegësin e Tiranës, ndërsa u përgjigj edhe për deklaratat e Ramës ku shprehej se kryebashkiakut po i cenohej familja.

Si rrjedhojë Berisha deklaron se gjatë kontrolleve, bashkëshortes së Veliajt, Ajola Xoxës, iu gjetën faturat, të cilat tregojnë shpenzimet 2 milionë euro për gardërobë.

“Qytetarët e dëgjuan autopsinë që i bëri klanit Rama, Ballukut dhe Dumanit, Arben Ahmetaj me një vërtetësi të jashtëzakonshme. Me dokumente.

Dy urdhër-arreste të anuluara për AKSHI-n, e cila qindra miliona euro i ka ndarë me Edi Ramën nëpërmjet baxhanakut të Edi Ramës.

E dëgjuat që blihet kompjuteri 10 herë më shumë se ç’kushton, me dokumente tatimore. Ministrja e Arsimit dhe respiratorët me çmim të 10-fishtë. Dhe për Altin Lalën, këto janë pakujdesi. Cilësohen pakujdesi dhe jo vjedhje monstruoze që kanë rënduar jetën e të sëmurëve.

Pra, mendoj se autopsia që i bëri kësaj kalbësire Arben Ahmetaj ishte një shërbim i madh për çdo qytetar.

Ai, si njeri që njeh nga viti 2013 gjer në vitin 2022, me hollësi çdo zhvillim, u tha shqiptarëve se Erion Veliaj ka firmosur dhe është pronar në djegësin e Tiranën, por firmën e ka vënë nën presionin e madh të Edi Ramës. Çka dëshmon se pse për Erion Veliajn, Edi Rama tha se po ia linçojnë familjen.

Cilën familje? Familjen që iu gjetën vetëm fatura të gardërobës 200 e ca mijë euro. Pra, blerjet shkojnë në rreth 2 milionë euro. Imagjinoni ju Velicën, që nuk i ka 2 milionë euro as një mbretëreshë ka rrezik. As gratë e miliarderëve.

Po këta po e linçojnë këtë. 300 mijë euro i gjetën në garazh në kontrollin e fundit. U fshehën. Po ka njerëz që edhe i rrjedhin gjërat, edhe i thonë gjërat.

Arben Ahmetaj si dëshmitar origjinal i zhvillimeve në qeveri faktoi ato që opozita ka denoncuar me forcën më të madhe”, tha Berisha./ CNA