web counter
LEXO PA REKLAMA!

SHKARKO APP

App Store
Google Play

E fundit!

x

“SPAK e gjeti Veliajn dhe gruan e tij të zhytur në krim”/ Berisha: Dora e zezë e Ramës në çdo aferë

30 Janar 2025, 20:05, Politikë CNA

“SPAK e gjeti Veliajn dhe gruan e tij të zhytur në krim”/

Kreu i Partisë Demokratike, Sali Berisha nga selia blu në një mbledhje me strukturat, theksoi se çdo aferë në këtë vend mban dorën e zezë të Edi Ramës ndërsa shtoi se pas atyre deklaratave të Arben Ahmetaj, çdo kryeministër normal do të ishte tërhequr nga posti.

“Me deklaratat e Arben Ahmetajt çdo kryeministër do të tërhiqej. Ahmetaj pohoi se “AKSHI” është kopshti provat i Edi Ramës. 

Ne e kemi denoncuar me dhjetëra herë famozin Armand Frangu, por kur e denoncon zëvendëskryeministri, nuk ka njeri që të ketë më dyshimin më të vogël.

Ai deklaroi se urdhër arrestet u grisën sepse në atë aferë ishte e implikuar direkt Linda Rama. Ai Gerond Meçe flet për Lindën në përgjimin ambiental që është bërë. Ato u grisën dhe vazhdon drejtoresha e AKSHI-t e pacenuar, sikundër baxhanaku i Ramës dhe kunati i Lindës, vazhdojnë të fitojnë tendera.

Rama është i implikuar në aferën e inceneratorëve, afera më e madhe e tij është Porti i Durrësit. Edi Rama po shkel çdo ditë ligjin zgjedhor, vazhdojnë prokurimet të pandërprera.

Në çdo aferë është dora e zezë e Edi Ramës. SPAK e gjeti Erion Veliajn dhe gruan e tij të zhytur në krim. Mosbindja civile ka synimin që qytetarët të votojnë të lirë. Rama vazhdon me moton se sa më shumë të vjedhim aq më shumë vota do të marrë", tha Berisha. /CNA

 





Lajmet e fundit nga