web counter
LEXO PA REKLAMA!

SHKARKO APP

App Store
Google Play

A duhet të japë dorëheqjen Veliaj?/ Si përgjigjet Erion Braçe

31 Janar 2025, 12:33, Politikë CNA
A duhet të japë dorëheqjen Veliaj?/ Si përgjigjet Erion
Deputeti i PS-Erion Braçe ne emisionin Now me Erla Mehillin

Deputeti i PS-së, Erion Braçe, ka folur për hetimet që po kryhen ndaj kryebashkiakut Erion Veliaj.

Në një intervistë në emisionin “Now” me Erla Mëhillin, Braçe është shprehur se duhet mbajtur një standard dhe politika nuk duhet të bëjë kamxhikun mbi personin pa pasur një vendim të formës së prerë nga gjykata.

“Zoti Veliaj është një person nën hetim që meriton të respektohet në raport me Kushtetutën që do të thotë prezumohet i pafajshëm deri në një vendim të formës së prerë të gjykatës.

Duhet të vlejë për të gjithë. Berisha në dallim nga Veliaj që është person nën hetim ka një akuzë po ashtu dhe për Metën.

Unë mendoj që është e tepërt në këtë histori, duhet të mësoheni me standardin e ri kur politikani duhet të bëjë politikë nuk duhet të bëjë të themi kamxhikun mbi organet e drejtësisë.

Organet e drejtësisë duhet të bëjnë punën e tyre në liri të plotë në përputhje me ligjin për të garantuar një proces të drejtë, të barabartë dhe natyrisht kushtetues me cilindo individ. Organet si prokuroria dhe gjykata kanë parësore respektimin e të drejtave të njeriut edhe në të tilla procese pa parë përkatësinë e tyre politike”, tha deputeti.

I pyetur nga moderatorja Erla Mëhilli nëse Veliaj duhet të japë dorëheqjen, Braçe tha se kjo është një çështje individuale dhe gjithsecili gjykon vetë në raport me situatën në të cilën ndodhet.

“Është një çështje individuale në të tilla raste që gjithsecili gjykon vetë në raport me situatën në të cilën ndodhet dhe me atë që duhet të bëjë dhe duhet të vijojë më tutje.

Por në rast se nga hetimet rezulton që është e pamundur për shkak të provave dhe fakteve të ngrihet një akuzë? Po në rast se gjykata rrëzon prokurorinë në akuzat që ka ngritur çfarë duhet të ndodhë me personin. Insistoj te standardi sepse në këtë vend është një fije e hollë peri që e ndan të bërit drejtësi nga linçimi.

Drejtësia reale duhet të jetë ndryshe nga drejtësia orale”, tha Braçe./ CNA





Lajmet e fundit nga