web counter
LEXO PA REKLAMA!

SHKARKO APP

App Store
Google Play

E fundit!

x

Lot, akuza dhe 'luftë' brenda llojit/ Intervista e Erion Baçes në "Now" me Erla Mëhillin

31 Janar 2025, 12:35, Politikë CNA
Lot, akuza dhe 'luftë' brenda llojit/ Intervista e Erion
Erion Braçe ne emisionin Now me Erla Mehillin

Deputeti socialist, Erion Braçe, ishte i ftuar në "Now" me Erla Mëhillin ku foli për herë të parë në media pasi Kryeministri Rama vendosi ta largojë pas 12 vitesh nga Divjaka, (qarku Fier) dhe ta shtojë emrin e tij në "armatën" e socialistëve që do të drejtojnë fushatën e kryeqytetit.

-Raporti me Ballukun.

Pyetjes së drejtpërdrejtë se përse u largua nga ajo zonë pikërisht tani që drejtuese politike e PS-së shkoi Belinda Balluku, "senatori" socialist iu përgjigj:

"Në 2013 nuk kam shkuar me njerëzit e mi në Divjakë, të tjerët e bëjnë dhe ky është një gabim shumë i madh".

Mëhilli e pyeti më tej Braçen se kur ka qenë hera e fundit që ka komunikuar me Ballukun dhe ky i fundit pranoi që nuk kanë komunikim së bashku.

"S'e mbaj mend me thënë të drejtën. Ka kohë, por nga ana ime nuk ka munguar gjë. Për të thënë të vërtetën, unë kam qenë një nga mbështësit e lëvizjes së Ballukut nga Dibra për në Fier. Znj. Balluku ka ardhur dhe është prezantuar bashkë me mua në territorin e Bashkisë së Divjakës, por pastaj kaq".

-A duhet të japë dorëheqjen Veliaj sipas Braçes?

I pyetur nga Erla Mëhilli nëse do të vendosej një standard që Veliaj të tërhiqej nga posti përderisa është nën hetim, Braçe deklaroi:

"Është çështje individuale që gjithsecili e gjykon vetë në raport me situatën në të cilën ndodhet dhe në raport me atë që duhet të bëjë apo të vijojë më tutje".

-Përgjigjja për Arben Ahmetaj.

I ashpër Braçe u tregua me ish-zv/Kryeministrin Arben Ahmetaj, i cili nga arratia ka dhënë disa intervista ku ka akuzuar ish-bashkëpunëtorët e tij.

"Mendoj vetëm se si u prish TVSH-ja e bujqësisë, vetëm kaq... dhe lexoj librin "Mashtruesi" të Javier Cercas.

-Lotët për kolegët e ndarë nga jeta.

I pyetur për kolegët e vjetër që i mungojnë më shumë, Braçe i përlotur përmendi disa prej tyre.

"Më mungojnë ata që nuk janë më në jetë. Fjala bie, Dritëro Agolli që do ishte një luftëtar i madh që do mbronte popullin e fshatit. Luan Hajdaraga, Fred Paloka, Bashkim Fino, Dritan Çerma, Sabit Brokaj".(preket)

Ndërsa nga kundërshtarët politikë, Braçe vlerësoi Sokol Olldashin, Jozefina Topallin, Bamir Topin, Astrit Patozin apo Majlinda Bregun për të cilët tha se e ka marrë malli të debatojë në Parlament.

Braçe vlerësoi edhe këmbënguljen dhe forcën e Sali Berishës, po tha se kjo ndonjëherë ka shkuar për keq sepse ish-Kryeministri duhet të dinte të përmbante veten si në rastin e 21 janarit./ CNA





Lajmet e fundit nga