web counter
LEXO PA REKLAMA!

SHKARKO APP

App Store
Google Play

Siguria në vend/ Rama-qytetarëve: U rrokanisin kokën sallonet televizive

31 Janar 2025, 13:11, Politikë CNA

Siguria në vend/ Rama-qytetarëve: U rrokanisin kokën sallonet

Kryeministri Edi Rama dhe ministri i Brendshëm, Ervin Hoxha, kanë prezantuar anketimin për matjen e perceptimit qytetar mbi nivelin e sigurisë në vend dhe besimit te Policia e Shtetit.

Sipas Ramës, të dhënat tregojnë se qytetarët janë të qartë në leximin e situatës së sigurisë edhe në leximin e problematikave si dhe në vlerësimin e punës së Policisë, më shumë se të gjithë ata që ua rrokanisin kokën në sallonet e debateve televizive çdo natë.

Rama shtoi se 82% e qytetarëve të anketuar ndihen të sigurt në Shqipëri.

“Ne jemi sot shumë pranë mesatares së BE-së për numrin e vrasjeve. Lajmi i mirë është që këtë të vërtetë që ne e shohim te shifrat e lexon edhe në faqet e kësaj ankete. Publiku, shqiptarët, ata që jetojnë jetën e përditshme në qytete dhe fshatrat e Shqipërisë, në të gjitha herët e anketimit që prej se kryhet kjo anketë, janë shumë afër logjikës së fakteve të shifrave të progresit të matshëm të Policisë së Shtetit, fakteve që i marrim nga puna e Policisë së Shtetit si numri i vrasjeve, aksidenteve, grabitjeve… është një fakt që tregon se populli është shumë i qartë në leximin e situatës së sigurisë edhe në leximin e problematikave si dhe në vlerësimin e punës së Policisë, se të gjithë ata që ua rrokanisin kokën në sallonet e debateve televizive çdo natë dhe balta e përditshme që hidhet në mexhelis nga ata që prej 10 vitesh tanimë nuk kanë lënë gjë pa thënë për Policinë, drejtuesit dhe punonjësit e saj”, tha Rama./ CNA





Lajmet e fundit nga