web counter
LEXO PA REKLAMA!

SHKARKO APP

App Store
Google Play

"Kryeministri konsumon 20 pensione vetëm kur ulet për drekë”/ Këlliçi: Protesta do jetë masive

31 Janar 2025, 17:33, Politikë CNA

"Kryeministri konsumon 20 pensione vetëm kur ulet për

Drejtuesi Politik i Partisë Demokratike për Tiranën, Belind Këlliçi theksoi se protesta e datës tetë shkurt do të jetë masive. Në një dalje të fundit televizive, Këlliçi foli edhe për deklaratën e Arben Ahmetaj për verën e shtrenjtë që konsumon kryeministri Edi Rama, duke u shprehur se në këtë formë, Rama konsumon sa 20 pensione në çdo drekë.

“Kryeministri kur ulet për drekë konsumon 20 pensione, këto duhet të kishin ndërgjegjësuar mediat dhe prokurorët që kur zyrtarët flasin për afera korruptive të paktën të thrrisnin Çim Pekën dhe ta pyesnin ku ndodhet që t’i marrin dëshmi.

Protesta do jetë protestë kombëtare dhe pritet të ketë masivitet të jashtëzakonshëm, do denoncohen me zë të fortë aferat. Për mendimin tim është e vonuar se duhej bërë që në janar edhe pse ne kemi protestuar para Bashkisë, do ta bëjmë kombëtare.

Qytetarët vidhen çdo ditë dhe me këto afera korruptive janë të padëgjuara më parë. Jemi vetëm tre muaj para zgjedhjeve dhe kemi nisur të shpalosim edhe programin tonë. Keni parë programin e arsimit, shëndetësisë, pagat, investimet e huaja.

Po shpalosim çfarë ofron Partia Demokratike dhe çfarë ka dhënë PS-ja në 12 vite”, tha Këlliçi. /CNA





Lajmet e fundit nga