web counter
LEXO PA REKLAMA!

SHKARKO APP

App Store
Google Play

E fundit!

x

Hetimet për Erion Veliajn/ BKH, sërish kontrolle

15 Janar 2025, 12:21, Politikë CNA

Hetimet për Erion Veliajn/ BKH, sërish kontrolle

Me vendim të gjykatës dhe me kërkesë të prokurorëve Olsi Dado dhe Altin Dumani është bërë dje pasdite një kontroll në apartamentin 11/4 në godinën “Sky Tower” në kuadër te hetimeve për Erion Veliajn.

Kontrollet janë bërë menjëherë pas vendimit të GJKKO.

Dyshohet se ky apartament përdorej nga Ajola Xoxa, bashkëshortja e tij, dhe kompania e saj “Harabel”. Gjithashtu kompania “Harabel” ushtron aktivitetin e saj po në këtë godinë në “Sky Tower”.

Vendimi është firmosur nga Atalanta Zeqiraj. Sipas burimeve kontrolli është kryer nga BKH.

Më 6 dhjetor të vitit 2024 u krye kontrolli në banesën e Veliajt dhe bashkëshortes së tij Ajola Xoxa si dhe të vëllait të kryebashkiakut Arbër Veliaj.

Agjentët sekuestruan fatura, telefona dhe para. SPAK më herët në një njoftim publik ka bërë me dije se ndaj Veliajt për shkak të hetimeve rezulton të ngrihen 4 akuza si korrupsion pasiv, korrupsion  aktiv, pastrim parash dhe fshehje pasurie.

Për hetimet ndaj Veliajt janë thirrur në SPAK biznesmenë, si Elman Abule i cili është miku i tij i ngushtë si dhe bashkëshortja e tij Marisa Nito, të cilët sipas komunikimeve që ka në dorë SPAK, janë zbuluar marrëdhënie tregtare mes Ajola Xoxës dhe Marisa Nitos.

Xoxe, gruaja e kryetarit të Bashkisë Tiranë, rezulton se ka përfituar disa transaksione bankare nga kompania e Marisa Nitos, bënë me dije burime në dijeni të fakteve. Transaksionet monetare në favor të Ajola Xoxës shkojnë deri në 180 mijë euro, sipas të njëjtave burime.

Kjo marrëdhënie tregtare me përfitime financiare mes sipërmarrëse Nito, dhe bashkëshortes së kryebashkiakut të Tiranës, ka shumë gjasa të rrezikojë edhe pozitën penale të Erion Veliajt, ndërkohë që është nën hetim nga SPAK-u./ CNA





Lajmet e fundit nga