web counter
LEXO PA REKLAMA!

SHKARKO APP

App Store
Google Play

Rama, në Abu Dabi/ "Do të finalizojmë marrëveshjen për lidhjen nënujore energjetike me Italinë"

15 Janar 2025, 08:36, Politikë CNA
Rama, në Abu Dabi/ "Do të finalizojmë marrëveshjen
Kryeministri Edi Rama

Kryeministri Edi Rama ndodhet në Abu Dabi për një vizitë zyrtare. Përmes një mesazhi në “Facebook”, deklaroi se do të finalizohet marrëveshja trilaterale për lidhjen nënujore energjetike mes Shqipërisë dhe Italisë.

Sipas Ramës, kjo marrëveshje është një ndihmesë për vendin për t’u bërë të pavarur nga importi i energjisë elektrike dhe që së shpejti të bëhemi një vend eksportues në BE.

Rama u ndal edhe te çmimi I energjisë duke thënë se Shqipëria ishte i vetmi vend në rajon që nuk e rriti çmimin e energjisë gjatë krizës 2022-2023.

“Përshëndetje nga Abu Dabi. Për pak do të vendosim një tjetër gur kilometrik, në rrugën tonë drejt pavarësisë energjetike. Së bashku me kryeministrin e Italisë, miken e shtrenjtë, Giorgia Meloni, me ftesë të presidentit të Emirateve të Bashkuara Arabe, një tjetër mik, sheiku Mohamed bin Zayed  inalizojmë marrëveshjen trilaterale për lidhjen nënujore energjetike mes Shqipërisë dhe Italisë, si dhe rritjen e prodhimit të energjisë diellore në Shqipëri.

Lidhja do të ketë pronësi të trefishtë, e nga ana tjetër do të mbështetet nga investime domethënëse të përbashkëta, në rritjen e kapaciteteve prodhuese të Shqipërisë. Kjo shkon edhe në funksion të ambicies sonë për t’u bërë të pavarur nga importi, por na jep edhe një rol së shpejti, si eksportues në BE.

Shqipëria është sot vendi me kapacitetin më të lartë të vetprodhuesve familjare apo biznes nga energjia diellore në rajon. Energjia e prodhuar nga dielli ka kaluar në zero përqind në afro 10 përqind të prodhimit tonë të brendshëm energjetik.”

 




Lajmet e fundit nga