web counter
LEXO PA REKLAMA!

SHKARKO APP

App Store
Google Play

E fundit!

x

Zhvillimi i xhiros së Italisë në Shqipëri/ Rama: Deri dje ishim në fyt, sot ndryshimet të dukshme

14 Janar 2025, 12:38, Politikë CNA

Zhvillimi i xhiros së Italisë në Shqipëri/ Rama: Deri dje

Kryeministri Edi Rama u është përgjigjur komenteve dhe kritikave në rrjetet sociale teksa foli edhe për zhvillimin e Xhiros së Italisë në Shqipëri.

Kryeministri theksoi edhe njëherë rëndësinë e Xhiros së Italisë në Shqipëri, ndërsa shtoi se vite më parë një nismë e tillë as që mendohej.

“Thoni se Shqipëria nuk ka rrugë për Xhiron e Italisë sepse shikojmë vetëm 'lotët' e Ballukut. Ndërkohë, të zotët e punës që organizojnë xhiron nuk e dëgjojnë fare Ballukun, madje kam përshtypjen që nuk e dinë kush është.

Por, kur erdhën në Shqipëri kanë parë rrugët dhe kanë bërë një vlerësim pozitiv të të gjitha kushteve, infrastrukturë, hoteleri, siguri dhe profesionalizëm në çdo bashki. Nuk kam çfarë të them, deri dje ishim deri në fyt dhe sot ndryshimet janë mëse të dukshme.

Dhe turistët vijnë këtu edhe pse pa 'drita', 'ujë' dhe ku njerëzit 'vriten' në rrugë. Nuk di çfarë të them për rrugët që i dëgjon, por nuk i sheh. Nuk ka të verbër më të madh se ai që nuk do të shikojë.
Përfshirja e Shqipërisë në Xhiron e Italisë është certifikata e padyshimtë e një Shqipërie të lindur, e cila ishte e paragjykuar, tashmë është kthyer në burim respekti. Xhiro e Italisë në Shqipëri është si një ëndërr me sy hapur. Por, kush lufton ëndrrat me sy hapur mund t’i bëjë realitet, sepse unë luftoj, besoj bashkë me Partinë Socialiste pa të cilën asnjë ëndërr nuk bëhet realitet”, mbylli reagimin Rama.





Lajmet e fundit nga