web counter
LEXO PA REKLAMA!

SHKARKO APP

App Store
Google Play

Zgjedhjet e 11 majit/ Shehi: LZHK synon të arrijë nivelin e 90-100 mijë votave në rang kombëtar

12 Janar 2025, 17:25, Politikë CNA
Zgjedhjet e 11 majit/ Shehi: LZHK synon të arrijë nivelin e 90-100
Kreu i LZHK-së, Dashamir Shehi

Kreu i LZHK-së, Dashamir Shehi ka folur për zgjedhjet e 11 majit, ku tha se partia e tij synon të arrijë nivelin e 90-100 mijë votave në rang kombëtar.

Me anë të një postimi në “Facebook”, Shehi shkroi se LZHK po punon fort në të gjitha drejtimet, duke shpalosur te qytetarët vlerat më të mira të demokracisë që ne përfaqësojmë.

"Lëvizja për Zhvillim Kombëtar hyri në zgjedhjet e vitit 2005 dhe fitoi 47,967 vota ose rreth 4 % të totalit të votave.

Ky rezultat erdhi në një kohë kur hapësirat televizive ishin të pakta, rrjetet sociale nuk ekzistonin dhe mundësia që ne të transmetonim te qytetarët alternativën tonë ishte e vogël. Po ashtu kujtojmë se lufta që i bënin 2 partitë e mëdha subjekteve më të vogla politike ishte e ashpër.

Në zgjedhjet e 11 majit ne synojmë që minimalisht ta dyfishojmë këtë rezultat, për të arritur nivelin e 90-100 mijë votave në rang kombëtar. Për këtë objektiv LZHK po punon fort në të gjitha drejtimet, duke shpalosur te qytetarët vlerat më të mira të demokracisë që ne përfaqësojmë.

Ftojmë çdokënd që nuk e gjen veten te 2 partitë e mëdha, PS e PD, të na bashkohet, në mënyrë që vota e tyre të marrë vlerë."/CNA

 

 





Lajmet e fundit nga