web counter
LEXO PA REKLAMA!

SHKARKO APP

App Store
Google Play

E fundit!

x

"Të ballafaqohemi me njëri-tjetrin se ku janë paratë"/ Berisha fton Ramën në debat

11 Janar 2025, 20:00, Politikë CNA
"Të ballafaqohemi me njëri-tjetrin se ku janë
Kryetari i Partisë Demokratike, Sali Berisha

Nga Elbasani, ku mori pjesë në ceremoninë e themelimit të Degës së Partisë Demokratike në këtë qytet, Kreu i PD-së, Sali Berisha përsëriti thirrjen për një debat me kryeministrin Edi Rama. Berisha tha se Rama duhet të dalë burrërisht përballë tij dhe të tregojë se ku janë paratë, duke e akuzuar për vjedhjen e parave të mirëmbajtjes së rrugëve dhe për kontrabandë nafte.

"Qytetari i Shkodrës, KukësIT, i Peshkopisë e me radhë, jo vetëm për shkak të naftës, por edhe për shkak të tarifave të rrugës, e ka udhëtimin më të kushtueshëm në Europë.

Asnjë qindarkë nuk do paguhet në asnjë rrugë, në asnjë tunel të Shqipërisë.

A e dini se ju paguani për mirëmbajtjen e rrugëve kësaj qeverie 190 milionë euro në vit me taksën e qarkullimit. Atëherë ku shkojnë këto? Shkojnë në xhepa të qeveritarëve. I vjedhin.

Ku do gjenden paratë?

Njëherë jam këtu dhe do i lutem çdo socialisti, edhe çdo rilindësi, t’i bëjë një mesazh Edi Ramës, t’i thotë dil burrërisht para Sali Berishës, ballafaqohu njëherë, këtu në Elbasan po deshe.

Po, po, t’i tregojmë njëri-tjetrit ku janë paratë. Po nuk del dot, se hajduti vetëm ikën, se hajduti vetëm fshihet.

Po vodhe me thasë, sigurisht që lekë nuk ke, lekët i ke për vete, jo për qytetarët.

Po nafta? A e dini ju, Kosova ka gjithsej 440 mijë automjete, Shqipëria ka regjistruar këtë vit 870 mijë automjete. Kosova zhdoganon 630 mijë ton naftë, Shqipëria zhdoganon gjithsej 550 mijë ton naftë. Ku shkon? I vjedh qeveria kontrabandë. Nuk mund të bëhet nafta kurrë kontrabandë pa qeverinë,"tha Berisha në fjalimin e tij./CNA

 





Lajmet e fundit nga