web counter
LEXO PA REKLAMA!

SHKARKO APP

App Store
Google Play

E fundit!

x

Komentuesit e kritikojnë për pensionet/ Rama bën propagandë, shigjeton opozitën

11 Janar 2025, 10:20, Politikë CNA
Komentuesit e kritikojnë për pensionet/ Rama bën propagandë,
Kryeministri Edi Rama

Kryeministri Edi Rama u është përgjigjur komentuesve në lidhje me pensionet.Rama deklaroi se qeveria e PS është e vetmja qeveri që ka bërë për pensionistët. Ai përmendi si propagandë bonuset për pensionistët.

Ndërsa nuk munguan as thumbet për opozitën për kreun e PD-së Sali Berisha dhe deputetët e PD, duke thënë se ofrojnë qilima fluturues si trashëgimtarë të denjë të politikës ekonomike të Sudes dhe Xhaferrit.

Më tej ironizoi duke thënë se pensionistët e dinë më mirë aritmetikën se disa Lula të ri dhe plot bindje u shpreh për fitoren edhe në zgjedhjet e 11 Majit.

“E mira s’ka fund dhe borxhi i kësaj shoqërie ndaj pensionistëve qoftë atyre që jetuan diktaturën qoftë atyre që jetuan rrumpallën pa shtet të viteve të tranzicionit nuk lahhet kurrë, por nëse ka një qeveri që ka bërë dhe mund të bëjë akoma më shumë për pensionistët është vetëm kjo qeveri e PS.

Ishte kjo qeveri që bëri reformën e pensioneve dhe mundësoi që kush ka dalë në pension 10 vitet e fundit të ketë një pension konsiderueshëm më të lartë se kush ka dalë më parë është kjo qeveri që u dha pensionistëve pak javë më parë plot 100 milionë euro si bonus për vit të ri do ju japë një bonus të dytë në pranverë. Këto janë faktet e kujdesit për pensionistët.

Ata që nuk kanë dhe nuk do të kenë asnjë gjë në dorë, që nga katrani i madh pa din e pa iman tek ca katranë të vegjël pa cipë dhe pa nishan ofrojnë për pensionistët qilima flutrues si trashëgimtarë të denjë të politikës ekonomike të Sudes dhe Xhaferrit.

Pensionistët e para e dinë se kush e bëri Shqipërinë lesh e li, e dyta e dinë aritmetikën më mirë sesa Lulat e ri dhe e treta e kanë më të qartë se kushdo tjetër që ne nuk jemi më të mirët por më të mirë se ne ky vend as nuk ka pasur as nuk gjen dot dhe për nja 10 vjet tjera padiskutim”, tha Rama./ CNA





Lajmet e fundit nga