web counter
LEXO PA REKLAMA!

SHKARKO APP

App Store
Google Play

E fundit!

x

E thotë Dash Shehi: Ja kur fillon lufta e vërtetë e SPAK-ut

10 Janar 2025, 14:29, Politikë CNA

E thotë Dash Shehi: Ja kur fillon lufta e vërtetë e SPAK-ut

Kreu i LZHK-së, Dashamir Shehi, është shprehur se lufta e vërtetë e SPAK-ut do të fillojë kur t'u sekuestrojë vilat dhe llogaritë bankare politikanëve.

I ftuar në emisionin “Debat” në "A2CNN" se SPAK po bën punë ndonëse i janë vërsulur të dyja palët.

“Ka 3 ministra në burg, dhjetëra funksionarë në hetime, po ashtu edhe kryetarë bashkie dhe vazhdohet sikur nuk ka ndodhur gjë.

Kjo ndodh sepse kjo është Shqipëria jonë, e lodhur dhe nuk ka reagim publik. Drejtësia shyqyr që po bën diçka, por edhe SPAK-ut i janë turrur me egërsi të dyja palët”, tha Shehi.

“Askujt nuk i leverdis që të hapen letrat sepse pothuajse të gjithë janë përlyer. Nuk po them që këta të SPAK-ut janë të rënë nga qielli, por i ka lëvizur pak ujërat në Shqipëri, pasi këtu ishte bërë kënetë fare.

Mendoj se diçka pozitive në fund të kësaj historie do të dalë. Të paktën një pjesë e këtyre funksionarëve që vjedhin pa iu dridhur qerpiku do tremben paksa, një pjesë e politikës do të bëhet e përgjegjshme.

Por, ajo që duhet të ndodhte ende nuk ka ndodhur sepse deri tani, asnjë nuk është dënuar tamam. Deri tani, nuk janë sekuestruar paratë. Kur t’i marrin vilat e pallatet e llogaritë bankare, që mos të kenë më para të paguajnë gjykatësit, atëherë nis lufta e vërtetë”, theksoi Shehi./ CNA





Lajmet e fundit nga