E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Veliaj ironizon SPAK-un/ "Kujdes faturat"

9 Janar 2025, 21:05, Politikë CNA

Veliaj ironizon SPAK-un/ "Kujdes faturat"

Kryebashkiaku i Tiranës, Erion Veliaj

Komiteti Olimpik Kombëtar Shqiptar zhvilloi këtë të enjte mbrëmjen ceremoniale për sportistët shqiptarë në arenën ndërkombëtare për vitin 2024.

Të pranishëm ishin përfaqësues të politikës dhe sportit, e në mesin e tyre nuk mund të mungonte edhe i akuzuari nga SPAK-u për 4 vepra penale, Erion Veliaj.

Kryebashkiaku i Tiranës, Erion Veliaj mbajti një fjalim që të bëjë "show"-n e radhës.

Në fjalën e tij, Veliaj ironizoi prokurorët e SPAK-ut dhe hetimet ndaj tij, pasi iu drejtua presidentit të KOKSH-së, Fidel Yllit duke i thënë të ruajë faturat se kështu si ka ardhur koha.

Duke u zgërdhirë, Veliaj iu drejtua Fidel Yllit i cili ndodhej në të njëjtën tavolinë me kryeministrin Edi Rama, por këta të fundit ishin mospërfillës ndaj fjalimit të kryebashkiakut.

Kryetari i Bashkisë së Tiranës dhe kryeministri Edi Rama

Edhe pse tashmë i zhytur në llumin që vetë e krijoi, Veliaj e shikon kryeministrin si shpëtimtarin e tij, duke u fryrë e servilosur tha se bashkia e Tiranës i është përgjigjur pozitivisht thirrjes së qeverisë për të qenë bashki avangard.

"Fidel është gjithmonë një kënaqësi që ne të mbështesim Komitetin Olimpik Shqiptar, përfshirë edhe këtë festë. Të lus shumë që të mbash faturat. Kanë ardhur ditë që duhet të jemi shumë korrektë me gjërat dhe të kemi raportim të saktë të mbrëmjes gala. Përtej humorit i jemi përgjigjur pozitivisht thirrjes së kryeministrit për të qenë një bashki avangard, një nga bashkitë që shpenzon më shumë për sportin në Europë dhe rajon, dhe nuk kishim një mënyrë më të mirë për ta filluar këtë vit."

I akuzuar për 4 vepra penale nga Prokuroria e Posaçme, kryebashkiaku Erion Veliaj po i shkon fundit të rrugës.

Ai u paraqit disa herë në SPAK dhe qëndroi me orë të tëra. SPAK e akuzoi për vepra penale si mosdeklarim pasurie, korrupsion pasiv e aktiv, dhe pastrim i produkte të veprës penale./CNA