web counter
LEXO PA REKLAMA!

SHKARKO APP

App Store
Google Play

E fundit!

x

"Veliaj, me 4 akuza të rënda"/ Muçollari akuza SPAK-ut, thirrje për protestë

9 Janar 2025, 12:08, Politikë CNA
"Veliaj, me 4 akuza të rënda"/ Muçollari akuza
Anëtari i Kryesisë së PD-së Grigels Muçollari

Anëtari i Kryesisë së PD-së, Grigels Muçollari, në një deklaratë për mediat para Bashkisë së Tiranës është shprehur se kryetari i Bashkisë, Erion Veliaj, shkon çdo ditë në zyrë për të prishur prova.

Muçollari tha se Veliaj qëndron në zyrë pavarësisht se ka konsumuar 4 vepra penale, ndërsa hodhi akuza ndaj organeve drejtësisë që po e lejojnë që ai të vazhdojë dhe të prishë provat.

Nga ana tjetër ai u ka bërë thirrje qytetarëve që të bashkohen në protestën e 41-të që do të mbahet ditën e nesërme në orën 11:00 para Bashkisë së Tiranës kundër Erion Veliajt dhe korrupsionit që ka kapur këtë institucion.

"Tek kjo derë këtu hyn çdo ditë dhe ulet në karrigen e kryetarit të Bashkisë më të madhe në vend, merr vendime, firmos e vulos, një person nën hetim për: korrupsion aktiv, korrupsion pasiv, pastrim parash dhe fshehje e mosdeklarim pasurie.

Akuza shumë të rënda, për të cilat kolegët e tij në SPAK thanë se kanë të dhëna konkrete, në një deklaratë publike.

Prapë, ky njeri, Erion Veliaj, që duhej të kishte dhënë dorëheqjen e të ishte atje ku e kanë vendin keqbërësit, vjen si edhe sot në zyrën ku ka konsumuar këto 4 vepra penale, duke fyer qytetarët e Tiranës, ligjin, dhe çdo normë e standard moral.

Erion Veliaj nuk paraqitet këtu për të shërbyer. Ai vazhdon ta mbajë këtë pushtet për të ndikuar drejtësinë, për të prishur provat, për të ushqyer luftën politike e mediatike me privilegjet që ndan për ata që shkrehin armët për interesat e tij.

Kjo shkelje e rëndë, kjo anomali po ndodh çdo ditë në mes të Tiranës, në sytë e të gjithëve.

Pyetja që kanë njerëzit sot, taksapaguesit dhe banorët e qytetit, është: Pse Erion Veliaj është mbi ligjin? Pse me këto 4 akuza të rënda ai vijon të ketë privilegje?

Ne kërkojmë drejtësi dhe do ta kërkojmë dhe nesër duke u mbledhur sërish në këtë shesh deri në rivendosjen e rendit moral të shoqërisë!", tha Muçollari./ CNA





Lajmet e fundit nga