web counter
LEXO PA REKLAMA!

SHKARKO APP

App Store
Google Play

E fundit!

x

Të premten protesta e 41-të/ Këlliçi: Ne do të vijojmë me denoncimet

8 Janar 2025, 20:52, Politikë CNA
Të premten protesta e 41-të/ Këlliçi: Ne do të
Drejtues politik i PD-së për Qarkun Tiranë, Belind Këlliçi

Drejtues politik i PD-së për Qarkun Tiranë, Belind Këlliçi ka dhënë një deklaratë për media sa i takon situatë parazgjedhore.

Për sa i përket hetimit ndaj ish-kryeministrit Sali Berisha, Këlliçi e cilësoi si një vendim të monduar politikisht.

“Viti nisi në mënyrë krejt të papritur dhe të shëmtuar politikisht, me thirrjen e kreut të PD para SPAK, për t’u paraqitur dy herë në muaj. Nuk ishte nisja më e mirë, as për qytetarët.”

Nga ana tjetër, Këlliçi theksoi se Partia Demokratike do vijojë me denoncimet për afera të ndryshme korruptive e paralelisht po paraqet ‘ofertën’ e saj për shqiptarët.

“Kemi hyrë në 4 muajt e fundit të betejës elektorale. Mesazhi politik i PD-së është i ndarë në disa korsi, por që ecin paralel. Ne vijojmë me denoncimet tona për afera të ndryshme, do ketë kallëzime të reja për korrupsionin në bashkinë Tiranë. Paralelisht denoncimet për lidhjet e qeveritarëve me krimin e organizuar. Vetëm një paragraf i zotit Berisha faktoi 5 akuza për Taulant Ballën. Ende nuk ka asnjë qëndrim, qoftë nga Balla për ta përgënjeshtruar apo nga kryeministri i vendit. Kemi edhe ofertën, për reduktimin e çmimit të naftës. Kemi disa javë që shpalosim planin tonë ekonomik, për minimunim jetik, pensionin minimal dhe rrogën minimale. Rroga mesatare që do shkojë në shifrën e 1200 Euro-ve.”

Ai njoftoi se të Premten në orën 11:00, opozita do të zhvillojë protestën e 41-të para Bashkisë së Tiranës.

“Vijojmë të jemi në një aksion të mosbindjes civile, të Premten rikthehemi me protestë para bashkisë. Protesta e 41-të, rekord para një institucioni. Ndërkohë vazhdojmë me kontaktin e përditshëm me qytetarët.”/CNA





Lajmet e fundit nga