web counter
LEXO PA REKLAMA!

SHKARKO APP

App Store
Google Play

Hetimet ndaj Veliajt/ Këlliçi, akuza SPAK-ut

8 Janar 2025, 13:48, Politikë CNA

Hetimet ndaj Veliajt/ Këlliçi, akuza SPAK-ut

Drejtuesi politik i PD-së për Tiranën, Belind Këlliçi, në një deklaratë për mediat, ka hedhur akuza ndaj SPAK-ut.

Këlliçi thekson se edhe pasi ka arritur në konkluzionin se Veliaj ka kryer 4 verpa penale, SPAK-u nuk po merr masa, por po lejon që kryebashkiaku i Tiranës të shkatërrojë provat dhe të sigurojë azilin politik.

"Ditët e fundit të vitit 2024, Prokuroria e Posaçme për Luftën Kundër Krimit dhe Korrupsionit, njoftoi zyrtarisht se kishte nën hetim kreun e 5D dhe pronarin faktik të inceneratorit Tiranë, Erion Veliajn.
Prej pothuaj 2 vitesh, kam depozituar disa kallëzime të shoqëruara me mijra faqe dokumenta autentike dhe prova të pakontestueshme, të cilat faktojnë korrupsionin e

Erion Veliajt me tenderat në Bashkinë Tiranë, inceneratorin fantazmë të Tiranës dhe kompaninë famoze 5D, të 5 drejtorëve të bashkisë. Emisioni investigativ “Plug” në SYRI TV, faktoi katërcipërisht lidhjet okulte se si Erion Veliaj me paratë e George Soros ka influencuar dhe kapur institucionet e drejtësisë së re.

Po në atë emision është faktuar se si OJF-ja BYLA, e cila në vitin 2002 themeloi lëvizjen Mjaft, merrte para publike nga Bashkia Tiranë në vitin 2023 dhe i kalonte ato për llogari të familjarëve të Erion Veliajt.

I rikthehemi edhe njëherë deklaratës zyrtare të SPAK të cilën e shihni në ekran.
Citoj: Deri në këtë fazë të hetimit paraprak, nga provat e grumbulluara, është arritur në konkluzionin, se ekzistojnë të dhëna konkrete të cilat lidhen jo vetëm me veprën penale të korrupsionit pasiv të zyrtarëve të lartë, por edhe për veprat penale si: korrupsion aktiv, pastrim parash dhe fshehje e të ardhurave.

Kolegët e Erionit në SPAK, njoftojnë qytetarët shqiptarë se kanë dalë tashmë në konkluzion se kreu i 5D Erion Veliaj, ka kryer 4 vepra penale, por kolegët e tij sigurisht nuk marrin masë ndaj Veliajt, por e lënë atë të lirë në mënyrë që të shkatërrojë dhe manipulojë provat, e mbi të gjitha po i lënë kohë të mjaftueshme që ai të sigurojë azilin politik, me justifikim se Nesti Rama po e linçon, për shkak se ky ishte pasardhësi i dizenjuar i liderit global dhe mikut të ngushtë të Charles McGonigal, Edi Rama.
Kjo është prova e rradhës që i fakton shqiptarëve që kjo është një drejtësi me regji.

Ndaj gjej rastin sërish të ftoj qytetarët e Tiranës t’i bashkohen thirrjes së PD për të protestuar para selisë së 5D dhe inceneratorit Tiranë, që sot formalisht duhet bashkia Tiranë, ditën e premte, datë 10 janar, ora 11:00.
Bashkë do ia dalim", tha Këlliçi./ CNA





Lajmet e fundit nga