web counter
LEXO PA REKLAMA!

SHKARKO APP

E fundit!

x

Noka akuza Shehajt/ "Kompania e tij lidhi kontratë me Ajola Xoxën për ndërtimin e vilës së saj"

7 Janar 2025, 20:23, Politikë CNA
Noka akuza Shehajt/ "Kompania e tij lidhi kontratë me Ajola Xoxën
Sekretari i Përgjithshëm i Partisë Demokratike, Flamur Noka

Sekretari i Përgjithshëm i Partisë Demokratike, Flamur Noka, në një intervistë për mediat ka akuzuar deputetin Agron Shehaj, duke thënë se  partia e tij “Mundësia”, është “krijesë e regjimit” dhe tha se pas saj fshihet kryebashkiaku Erion Veliaj.

Ai nxori edhe një dokument që, sipas tij, provon lidhjet e kompanisë së Agron Shehajt, “Prime Capital,” me Ajola Xoxën, bashkëshorten e Veliajt.

Noka tha se “Prime Capital’ ka lidhur kontratë me Ajola Xoxën për ndërtimin e vilës së saj.

“Kjo kontratë, e vitit 2010, është mes shoqërisë ‘Prime Capital’ të Agron Shehajt dhe Ajola Xoxës për ndërtimin e vilës së saj. Le të dalë Shehaj dhe ta kundërshtojë këtë.

Kjo është prova që partia e tij është një partiçkë e regjimit.

 Krijesë e Erion Velajt, nuk ia vlen të merret. Dua të tregoj një dokument. Ka një kontratë mes Agron Shehajt, Ildi Bejlerit dhe Ajola Xoxës për të ndërtuar vilën e Ajolës.

Më thoni është partiçkë e Erion Veliajt dhe Edi Ramës? Kontratë e vitit 2010. Kompania e krijuar me 2 aksionerë.” Tha ndër të tjera Noka./CNA

 





Lajmet e fundit nga