web counter
LEXO PA REKLAMA!

SHKARKO APP

App Store
Google Play

Rama hedh në rrugë Majkon, Pandit i vjen goja

6 Janar 2025, 14:53, Politikë CNA
Rama hedh në rrugë Majkon, Pandit i vjen goja
Edi Rama dhe Pandeli Majko

Kreu socialist dhe kryeministri i vendit, Edi Rama, sot mblodhi drejtuesit apo të deleguarit e PS në qarqe.

Lajmi i vetëm që u prodhua ishte heqja e Pandeli Majkos nga qarku i Kukësit dhe vendosja e Eduard Shalsit.

Pra, duke zëvendësuar ish-kryeministrin e vendit me një nga njerëzit më besnikë të kryeministrit, një idiot i dobishëm, por në shumë momente dhe i padobishëm, por shumë i keqpërdorur, Eduard Shalsi.

Në fakt heqja e Majkos është një hedhje në rrugë pasi nga sot Pandeli Majko nuk është më as anëtar i kryesisë së PS-së.

Pandeli Majko nuk është i zgjedhur në kryesinë e PS-së, por e mbante detyrën e anëtarit të kryesisë si i deleguar, pra i emëruar në fakt nga Rama në qarkun e Kukësit.

Me heqjen nga qarku i Kukësit Pandeli Majko tashmë në PS është thjesht një deputet apo një anëtar më shumë ose u bashkohet të përjashtuarve apo larguarve nga Rama.

Por sot kur Edi Rama ka hequr Majkon, Pandit i erdhi goja.

Njeriut, i cili nuk foli dot për shembjen e teatrit se kishte probleme me gojën, sot në mbledhjen e kryesisë i ka kërkuar Ramës që të vetëlargohet, të mos hiqet si qen dhe të hidhet në rrugë sepse nuk e meritonte.

Në fakt justifikimi i Ramës për largimin e Majkos kishte të bënte me rezultatet e dobëta me Censusin e emigrantëve dhe përgatitjen për zgjedhjet parlamentare në qarkun e Kukësit.

Majko nuk e ka pranuar dhe sot. Pandit i foli goja sepse po hidhej në kosh si shumë të tjerë nga kreu i partisë së tij përballë të cilit kishte heshtur kur miq, kolegë, bashkëpunëtorë të ndryshëm ishin hedhur njësoj si Majko në kosh të plehrave.

Por tani kur Pandit i vjen goja nuk ka më vlerë për askënd pasi të gjithë të tjerët janë të pushkatuar, kusuri do pushkatuar rrugës./ CNA





Lajmet e fundit nga