web counter
LEXO PA REKLAMA!

SHKARKO APP

App Store
Google Play

E fundit!

x

Ndërtimi i godinave qeveritare në Sauk/ Rama: Kyç për luftën ndaj evazionit

7 Janar 2025, 12:54, Politikë CNA

Ndërtimi i godinave qeveritare në Sauk/ Rama: Kyç për

Kryeministri Edi Rama dhe zëvendëskryeministrja Belinda Balluku kanë kryer inspektime në kantierin e ndërtimit të kompleksit të godinave qeveritare në zonën e Saukut, Tiranë, ku do të akomodohen me zyra disa agjenci që operojnë në fushën e informacionit dhe sigurisë kibernetike.

Rama u shpreh se kjo është një agjenci kyçe sa i përket evazionit dhe daljes së Shqipërisë nga lista gri.

“Pjesë e kompleksit që po ndërtohet do të jetë edhe Akademia Kibernetike, e cila vjen si nevojë për ngritjen e kapaciteteve në fushën e  sigurisë kibernetike. “Kompaninë e kemi ‘shalqi me provë’ dhe kam shumë besim që do të bëhet jo vetëm punë shumë cilësore, por edhe në afat. Afati i përfundimit është për 18 muaj, por mbase edhe nga eksperienca me ju, edhe më shpejt mund të mbyllet.

Është shumë e rëndësishme për ne kjo godinë, se faktikisht është një godinë me standarde të sigurisë së lartë, për vetë aktivitetin që kryhet brenda saj, qoftë nga agjencia e mbrojtjes kibernetike që siç e tha dhe zëvendëskryeministrja, ka marrë një rëndësi të veçantë, por dhe ka bërë përparim të konsiderueshëm dhe së fundmi është pajisur me një teknologji të fjalës së fundit që na vë realisht në vendet e larta të klasifikimit në Europë për mbrojtjen, qoftë për klasikun që merret me të gjitha të dhënat gjeohapësinore të vendit, dhe qoftë për Agjencinë e Inteligjencës Artificiale që ka një punë shumë të ndjeshme për shkak të sensibilitetit të të dhënave që lidhen me transaksionet financiare dhe që është një agjenci kyç qoftë përsa i përket daljes së Shqipërisë nga lista gri, qoftë sa i përket gjithë përpjekjes për të luftuar me evazionin, por në radhë të parë me paratë që vijnë nga veprimtaritë kriminale.

Kështu që, realisht është një godinë me shumë rëndësi dhe ka një pozicion shumë të favorshëm besoj, se është dhe e shkëputur, por dhe afër qendrës edhe përsa i përket trafikut, por edhe si fazë e parë e asaj që vjen nga mbrapa për të ndërtuar më tej standarde të reja për gjithë pjesën e akademisë, policisë dhe akademisë së sigurisë”, tha Rama.

Balluku nga ana tjetër ka deklaruar se akademia do të jetë funksionale për ata që do punojnë në inteligjencën financiare.

“Ndodhemi në kthesën e Saukut me dalje në Unazën e Madhe të Tiranës ku po ndërtohen Poli i Sigurisë Kibernetike dhe AJF-ja. Kemi një sipërfaqe 9600 m2 dhe pasi kemi bërë të gjitha procedurat për shkëmbimin e truallit dhe pasi kemi arritur të kemi një projektim shumë të mirë. Parashikohet të kemi një ndërtesë mbi tokë deri në 4000 m2, nëntoka arrin deri në 5800 m2, ku një pjesë e zyrave do të jenë në nivelin -1 për arsye sigurie sepse ndodhen serverat dhe zyrat e tjera të operimeve. Kati -2 do jetë vendparkimi.

Këtu parashikohet të ketë vendndodhjen edhe Akademia Kibernetike për të cilën kemi folur gjatë, duke qenë se Shqipëria ka hedhur hapa të rëndësishëm në sigurinë kibernetike, duke na rritur me 23 vende në indeksin global. Akademia do të jetë funksionale për ata që do punojnë në inteligjencën financiare. Holli do të jetë modular sipas eventeve dhe do të jetë i përdorshëm për të tre institucionet”, tha Balluku./ CNA





Lajmet e fundit nga